Népszerű bibliai igeversek innen: Mateghusi 13

Megosztás

“No dhi gha kunine mughuyeghave, yoyu ghokuyuva n̂ando no kudhitjwathana, dhina kwima mbuyo no kureta ghushuka mwene. Pamweya dithere, pamweya makumi kwoko nodyofotji, pamweya makumi mahatu.”

“No dhi dhokukuna mughurugha, yoyu ghokuyuva n̂ando ene yikudhekera yomoyo no yiyedhaghura yoghutungi yina kumungambwera n̂ando, no mbo dhina piri mbuyo.

Shatani ghana kwiya kwakehe yu ghokuyuva n̂ando dhoghufumu waNyambi. Ene mbadi ghana kughutjwathana. Popo ye, ghana kutunditha mumutjima eyi ha kuna mo. Edhi ne dhodhi ha kunine mundhira.

Murume yu gha kunine karo mbuto dhendi pamambarawe, oyu ne yoyu ghokuyuva n̂ando no kudhitambura ghushamberera. Ene dha pira mudhi mumwendi, no mbadi dhina kudhighama mumwendi. Ngeshi ha kwiya mapethero nomaghukukutu, ghana kuwa wanguwangu.

“Ghufumu ghodiwiru, wa pitura karo yira ghushwi ghokuvumbeka mudipya. Ngeshi kughuwana ghumweya, ene mufiyaghudi dhendi ghana ka ghuritha yoyiheya yi gha wana no kughura dipya di.

Mbuto dhimweya dha wererire mughuyeghave no dha shimbire magavo mwene. Digavo dimweya manona dithere, dimweya manona makumi kwoko nodyofotji, no dimweya manona makumi mahatu.

Mu thighe yi kure pofotji kate pamukesho. Pamukesho, mbo na tongwera hakakukesha eshi: ‘Mukongwedhe tango ghurugha no mu ghange pofotji ho mu ghu tumekere. Mbuto ne mu dhi tware kuthindandara.’ ”