Népszerű bibliai igeversek innen: Matius 10

Megosztás

Asogo moʼgulentesirik e, mesik disogo moʼgulentesi, “An en, his yu re, henebabut wam domba wam ebabut aʼge ʼgelaʼge, is aphwami enebabut mene orlomene ebabut wiak aʼge ʼgelaʼge eneʼgerlak hialogo perakhenebaikmu ai re, henebabut ʼgosu ebabut hi-hebeksogo tago ai ʼgelaʼge tugulat, sue ʼberl ebabut op aʼge enago welago ai ʼgelaʼge welat, togu lomup o.

Ap sa en uʼgwarek ebe erlele hwerlasu holuk e, ebe warotluk nal ema o. Aʼgeat de, ap sa en an nebaget warema holuk e, ebe erlele horlouwa o,” oluk moʼgulentesi.

Aphwami en henarogun wathonobu re, mia. We, henagap oʼborl petne nagat wathonobua ai paget e, honogorloksogo wolorogup o. Aʼgeat de, at Allah nak e, henarogun emin, henagap oʼborl petne emin, modok elirat wusogo odouk orloukmu perakhonobo ebelerak ai en e, at Allah at honogorloksogo wolomup o.

E pam edikpoluk waronobogwi aʼge ano, henagan domok henemarlo pam woluk an neʼberlik woluk wagai erlak holuk, an nosi om erlagat o.

Asogo moʼgulentesirik, mesik disogo moʼgulentesi, “Sa en, Yesus ai an nue o, oluk aphwami enilem iak ʼbaksogo oso holuk e, an ogo re, At ai an norat o, oluk naik ʼbogorl pam aʼge ilem, niak ʼbaksogo igat o. Asogo aʼgeat de, sa en, Yesus ai an neperlak o, oluk aphwami enilem elabe tago holuk e, an ogo re, At ap ai an neperlak o, oluk naik ʼbogorl pam aʼge ilem ʼbaksogoat ik o,” oluk moʼgulentesi.

Is aphwami ou enebam oruak holuk obabonobogulat, waragai holuk enelalugabonobogulat, hwenaʼgo ʼgelaʼge onogorlok aʼge ebano enebam oruak holuk obabonobogulat, muʼgat ebabut wiak aʼge onogola ʼgwigisarik oruak holuk henokho lebikpogulat, til noʼgu lomup o. An en oʼgo erlak wokhentegis ai ʼgelaʼge re, his asogoat oʼgo erlak wogentil laga lomup o.

Allah en sue wulue ai ebe aʼbigat aʼgeat de, logo ʼgelaʼge epasu puk o. Ye, his henebe ai nak e, logo ʼgelaʼge epasu o. Ai en e, honogorlok erlaksogoat welemis o,” oluk moʼgulentesi.

Asogo moʼgulentesirik e, mesik disogo moʼgulentesi, “His honogola en e, At waga ai re, ʼgwiangma yema weim lialigoluk waga oluk epagup o. An wegi ai re, aik omlogo eʼbirek il ʼbalogulat, ia emalik eʼbirek il ʼbalogulat, iemalhwe iemalhwe eʼbirek il ʼbalogulat, is-is enemin il ʼbalil louwagoluk wegi o.