Népszerű bibliai igeversek innen: Mateus 15

Megosztás

Ca tomi' nuhu' ca hwet qui' nain capijahu' pain ca tomi' ximama' nuhu' ma' iri na ne, maqui' nain xumuhu'. Je i ma' ca to' em' nuhu' ta. Je ca om querec hohot cuhu' Iri' Jam quem. Xi maqui' ara nein ca xumu wa oro carawa ca to' em' nain ca wari' wa ta. Mo na: Ca coromicat pan teretem wa ma', ca to' pa' wa wari' ma', ca quep tacacama oro manacocon oro wari' ma', je pain ca quep ne cocon xucun tarama' oro narima' ma' quem, oro ca caracat wa pain ca quep ximama' wa ma', ca cut noc xa wa carawa ma', ca tomi' mixein wa ma', ca tomi' napat wa ma' quem.

Om ca to' em' cuhu' carawa ca corom hwet nuhu' pain capijahu' ma', pain ca cao' nuhu' ma'. Carawa ca hwet ca' nain capijahu' ma', pain ca tomi' ximama' nuhu' ma' iri na ne, je i ma' ca to' em' nuhu' ta. Om ac ne na ca querec hohot cuhu' Iri' Jam na ca tomi' tococwa ma'.

Tomi' ca' na Iri' Jam: Tomi' ha' urut pum ta paxi' nanapa' oro wari' cwa', ane tomi' capijacocon e' caca ne. Om ca tomi' querec te iri'o' cacapa'. Ac ca to pira ca' cacapa' na pain ximicocon ta. In ac paxi' nanapa' pain ca pe torotop mi' cacapa' ca', ane om tomi' querec te toton pain ne. Xi tomi' mixein ara caca pain ca tomi' nucucun ta. Om na, oro capijaxut ca ca' na urut pahu' ca', maqui' non Iri' Jam ta nonon oro win ma' caca. Xi maqui' capa' ca pijim' nucucun pain ca ca' na cacain capija ta. Maqui' nonon oro hwanana nucucun ta. Ac i ma' na ca tomi' hwet cain capijacon Iri' Jam Isaías pane, pain ca pan to' cain taraxicocon oro hwanana nuhu' pane na ca tomi' tococwa ma'.

Wa inem me narima', howa tamana mapa' ta ac cam na. Xiram pa' terem Iri' Jam ta. Ara mi' terem pain ca param ma ma' na ca tomi' cam ma'. Xio hap pin ac cama na cainacam.

Xut hwet pan ac con na narima' ma'. Pe torotop mi' ac con na, quep xiho' ne ta Taramaxicon ne ac con na quem. Om na, om ca hohot ne pain ca cut ca' toton pain carawa ca cao' wa oro hwijima' ma', pain ca wixicaracao' mi' ton pain oro wixicon oromijac cwa' quem na ca tomi' cam ma'. Taxi' paxi' ina quem Taramaxicon ne ac cama na. Ane om narain ho' tocwa pain ca cao' wa oro wixicon oromijac ma' ne. Cao' nain oro pawirinain carawa ca cao' pawuru caca co wina nonon ma', ca cao' pawuru to cacain pana ca mam' cao' to caca ma'. Je xi xiram pa' ac i ma' mapa' pain ca om judeu ta' ca' quem na ca tomi' con ma'.