Népszerű bibliai igeversek innen: Mata 6

Megosztás

Ama tangkǝma ka gǝri bara kuhyikurni ba kalkalkurni, ba sanga sǝ ǝni yarni ndǝ ata la gǝri tsuwɛ.

Akuya ǝni ta gǝri ta damitsǝnidzi ata kǝra arpɛ, akuya arpɛ ata damitsǝnidzi ata kǝra kǝrni. Kǝlara vǝri aka bwanai tara mǝzi tǝni.”

“Kadǝbar ǝni Yi ada gha ala gǝri, ta gǝri ya damitsǝnidzi ata kǝra mpikɛ gǝri, sǝ nam tǝ gǝri ata sǝmɛ wala sa; wala ata kǝra dzá gǝri, sǝ nam tǝ gǝri ata hadzɛ. Mpikɛ adi ɓwalta sǝr sǝmɛ wɛ, ba dzɛ adi ɓwalta kari wɛ?

Ama sakatǝ gǝ ata 'ya aduwa, ka gǝ lǝmbwar ngɛ, ka gǝ harti nyavǝr ka gǝ 'ya aduwa ala Babar ngɛ, nam kura ndǝ ada wula. Antǝ Babar ngɛ, nam ada wula sǝ nam tǝ ndǝ 'ya akwa ɗǝwa-ɗǝwa dzǝ ata la gǝ wadzǝɓari.

“Əni, dzá, ani whal nam tǝ gǝri ata 'ya aduwa: “ ‘Tada yar nam atahyal, ka ndǝ vi sǝlaiyir thlǝma gɛ, kuhyikur ngɛ ka dzǝ si, sǝ nam tǝ gǝ ada bara, ka ndǝ 'ya tǝni akwa dunya ǝni, apa tǝ ndǝ ada 'ya tǝni atahyal.

Ka gǝ la yar sǝr sǝmǝr ɓuktsi yar asǝna.

Ka gǝ kyifǝnta ala yar bikǝr yar yarɛ, apa tǝ yar tara kyifǝnta ala ndzǝ nam 'ya ala yar biku.

Ba ta gǝ ta mwari aka yar akwa vui nkǝrti, ama ka gǝ mbuli tǝ yar akwa tsiya ndǝ kulɗa.’

Akuya ma gǝri ada kyifǝnta ala ndzi sakatǝ tǝ dar 'ya ala gǝri biku, Tada gǝri nam atahyal ata kyifǝnta ala gǝri tsuwɛ.

Wulamɛ ika yarɛ nam ada ɗǝghǝti atahyal; dar adi ada thlǝka wala dli wala tsaɓtsǝni akwa bi yarɛ wɛ, wala apani Tada gǝri nam atahyal ada la dar sǝr sǝmɛ. Gǝri ta ngǝmba tǝ dar aka paida wɛ?

“Ta gǝri ta tsaɓtsǝni gǝna ala kǝr gǝri akwa dunya, vui nam tǝ mutaɓur aka kǝlamku ata sǝwati, ba vui nam tǝ ndzǝr hǝlɛ ata ɓǝlnta ka hǝlti. Ama ka gǝri tsaɓtsǝni gǝna ala kǝr gǝri atahyal, vui nam tǝ mutaɓur aka kǝlamku adi ata sǝwati wɛ, tsuwɛ vui nam tǝ ndzǝr hǝlɛ kura awa ɓǝlnta ka dar hǝlti. Akuya vui nam tǝ gǝnar ngɛ akwa, antǝ ɗǝfa gǝ yɛ ata 'ya akwanda.

“Ndɛ adi nam ata mǝzi 'ya kǝthlǝr ala Thlaku sǝɗǝ wɛ. Tar ma dzǝ ngǝla pathlu ka dzǝ yiɗǝ pathlari, wala ka dzǝ tsu pathlu akwa kǝr ba ka dzǝ rutsǝni pathlari. Gǝ adi ata mǝzi kǝthlǝr ala Hyal gyapu aka kwapa wɛ.

Ma apǝri ani whal nam tǝ Hyal ada hadzɛ kari ala kusar nam akwa ntaku, nam tǝ asǝna dar aka mpikɛ ama arpɛ ka ndǝ ɗalu tǝ dar akwa u'u, ani kura dzǝ awa hadzɛ ala gǝri kari nam hang? Gǝri ndzǝ nam aka hamnta nam nkyiɗu?

Ama sakatǝ gǝ ada la su ala ndzǝ nam ada bara, ta gǝ ta ngyar ka tsi aghya gɛ zǝndi sǝ nam tǝ tsisǝma gǝ ada 'ya, ani ka hamnta sǝr ngɛ ka dzǝ ndzai akwa ɗǝwa-ɗǝwa. Antǝ Babar ngɛ nam ada wula sǝ nam tǝ ndǝ 'ya akwa ɗǝwa-ɗǝwa, dzǝ ata la gɛ wadzǝɓari.

“Ka gǝri 'ya hankal ta gǝri ta ‘'ya kǝthlǝr kalkalkur gǝri’ akǝma ndzi, akuya ka dar wuti, ma gǝri 'ya apani gǝri adi aka wadzǝɓa adzǝ Tada gǝri nam atahyal wɛ.

“Sakatǝ gǝri ada 'ya asam, ta gǝr ta mbǝmbǝrti kǝma gǝri apa tǝ kǝlikatsaɗǝm yarɛ ada 'ya mai, akuya dar ada takulti kǝma dar ka dar tsanti ala ndzi apǝri dar aka asam. Yi ada nkǝrɛ ala gǝri dzǝri, dar kurtaka dlutsi wadzǝɓar dar sang. Ama sakatǝ gǝ ada 'ya asam, ka gǝ kǝtsǝnta kǝma gǝ ka gǝ fau mal akwa kǝra gɛ, ani ka ta dzǝ ta ndzai ata babal ala ndzi apǝri gǝ ada 'ya asam ama ɗiɗi ala Babar ngɛ, nam kura ndǝ ada wula; ba Babar ngɛ nam ada wula sǝ nam tǝ ndǝ 'ya akwa ɗǝwa-ɗǝwa ata la gǝ wadzǝɓar ngɛ.