Népszerű bibliai igeversek innen: Mataayo 13

Megosztás

Nawe gimbibho ginu ꞉gyaguuye ku-mayaru amajomu, egirengekanyibhwa na omuunu unu koongwa Riingʼana rya Nyamuwanga ˆnaarisombookerwa. Uyo niwe kaatwasha, egana rimwi, makumi gasansabha ayandi makumi gasatu.”

Gimbibho ginu ꞉gyaguuye mu-mawa, egirengekanyibhwa na omuunu unu koongwa Riingʼana rya Nyamuwanga, nawe ˆnaajimibhwa na obhwiganiirisha iiguru ya obhurame na okwenda obhuniibhi. ˆNaataamibhwa okugenderera okukora engʼana ryoneryone ejomu.

Omuunu woonewoone unu koongwa riingʼana rya obhukama bhwa Nyamuwanga, ˆnaarema okurisombookerwa, omuunu uyo kaarengekanyibhwa na gimbibho ginu ꞉gyaguuye ku-njira. Omukayi wurya ˆnaaja, ˆnaasaakura ganu Nyamuwanga kaabha ayambire mu-mutima gwa omuunu uyo.

Gimbibho ginu ꞉gyaguuye kw-itare anu atari na mayaru maafu, egirengekanyibhwa na omuunu unu koongwa Riingʼana rya Nyamuwanga, ˆnaariramira ajomeeywe. Nawe keekirisha riingʼana riyo ku-kabhaga kafuyi era, kwa okubha obhwikirisha bhwaye bhutasirire emisi. Akanyansibhwa ku-nsonga ya riingʼana riyo, kaasiga obhwikirisha.

Yeesu ˆnaagenderera okwiyigisha, ˆnaaika ati, “Obhukama bhwa mu-rwire obhurengekanyibhwa na ekiinu kya obhugusi obhunene ꞉kyariga kibhisirwe mw-isambu. Muunu wumwi ꞉eejire aakirora, ˆnaakibhisa kweki. Mmbe ˆnaagenda ajomeeywe muno, ˆnaagusha ebhiinu bhyaye bhyone kutyo bhinu ꞉aariga ari nabhyo, ˆnaagenda ˆnaagura riisambu riyo.

Gimbibho egindi ngigwa ku-mayaru amajomu. Bhunu ꞉gyakurire ngyamba okutwasha. Egindi ngitwasha matwasho egana rimwi, egindi ngitwasha makumi gasansabha, egindi ngitwasha makumi gasatu.

Musige bhyone kutyo bhikurire amwi, bhiyikire okugeswa. Mw-igesa niwe niribhwira abhagesi bhakumanye okwamba amanyansi bhagabhoye mbagakumaga insonga bhagookye. Bhakamara okugookya, bhagese ingano bhayibhiike mu-kitara kyani.’”