Népszerű bibliai igeversek innen: যোহন 15

Megosztás

“আঙৗন দ্রাক্ষা ফাং, ননোক ডালায়, যি মাৰাবা ইনায় তৱা, আৰা আংবান যি মাৰাবনায় তংঙা, উম্রা তৗক্রৗই থৗই থৗইঙা, আতাঙা আং চাৰা ননোক হাসকেসান তৗৰৗইং মাঞ্চা।

ননোক ইনায় তং, আংবান ননোঙায় তংঙা; ডালায়া যেগেনা দ্রাক্ষা ফাঙায় দাকাপৗইমৗন পাংচাৰৗন, অৗপিন আপা থৗই থৗইং মাঞ্চা, উগুনান ননোকবান ইনায় তংচাৰৗন মাঞ্চানা।

ননোক যুদি ইনায় তৱা, আৰা ইনি ক্রৌবান যুদি ননোঙায় তৱা, উগুৰৗন ননোক যাৱোন ইচ্ছা সায়া উৱোন পি, উৱোন ননোং গৗমৗন তৗৰৗইং সায়ঙা।

ননোক যে আঙো বাসায়মৗন লাঔ, উৱো দংচা, আংসে ননোকো বাসায়মৗন লাঔ; আৰা আং ননোকো বাসায়মৗন লাঔ, যাতে ননোক লৗইমৗন থৗইনাং সায়া, আৰা ননোঙি থৗই যাতে পাঙা; যাতে ননোক ইনি মুঙায় আৱা নাঙায় যা পিয়া, উৱোন ননোঙা লাৱা।

চাংবা অৗপিনি লৗগৗনি গৗমৗন অৗপিনি চৗল্পাক গৗথৗই লাৱা, উন চৗইবা বৗদৗই হাসানি, সাকসানিবান তংচা।

ইনি তোঙি যা ডালায়া থৗই থৗইচা, উৱো উম্রা তানায়মৗন বাকায় লাৱা। আৰা যি ডালায়া থৗই থৗয়া, উদো বৗদৗই থৗই থৗইঙি গৗমৗন তেনেম লাৱা।

ইনি হুকুম ইয়ৗন, ননোক নৗঙো আঙো হাসাজিন, আং যেগেনান ননোকো হাসৌ।

উবায়ৗন ইনি আৱা মহিমানাং সায়া যে, ননোক তৗক্রৗই থৗই থৗইঙা, আৰা ননোক ইনি শিষ্য সায়ঙা।

“আঙৗন খৗন্তৗক দ্রাক্ষা ফাং, আৰা ইনি আৱা আবাদ গাসায় মাৰাব।

চাংবা যুদি ইনায় তংচা, উগুৰৗন উৱো ডালায় গানা বৗৰাং বাকায় লাওং সায়ঙা আৰা উৱো ৰান্নায়মৗন লৗয়া; আৰা মাৰাবদো উদো ৰুবুংমৗন বাৰায় বাকায় লাওং সায়া, উম্প্রিং উদো হামা।

“ই ক্রৌদো ননোঙা দুনৌ, যাতে ইনি খুসী ননোঙায় পাঙা, আৰা ননোঙি খুসী পুৰা সায়া।

ননোক যুদি ইনি হুকুমদো মানায়া, উগুৰৗন ইনি হাসানায় পাংঙা, আং যেগেনান আংবান ইনি আৱানি হুকুম মানায়মৗন, উনি হাসানায় তয়তা।

ই হুকুমদো ননোঙা লাওতা, যাতে ননোক নৗঙো আঙো হাসা।

ননোক জগতৱায়ঙি দৱাৰৗন, অৗপিনি মাৰাবদো পেনেম মানমৗন; নাত্নে ননোক জগতৱায়ঙি দংচা, আতাঙা আং ননোকো জগতৱায়প্রিং বাসায়ৌ, উনান গৗমৗন জগতৱা ননোকো কিঞ্চিয়া।