Népszerű bibliai igeversek innen: Marcos 16

Megosztás

I Jesus dega la room, “Iim laa nii mundu tema oid nee sai Au Novidade Kode uri la roo haigaa.

I roo bae fee fiar ma Au, room hii sium kbiit ois Nai Maromak oid fun milagre man toeh sai espiritu klao oid Au gala. I Nai Maromak hii fun room kase nor teor selu bae fee muna room ba taad. I se room fael sohai bae fee nei veneno ka room eun saal veneno, room hii ba eot naam iid. I arfiil room tuul lima la roo moras, roo moras hii sai kode.”

Seen fee fiar ma Au, i saraen, Nai Maromak hii salva ura, i ura meit hii mori nor Nai Maromak toon la toon nii lalehan. Mahee seen fee ba fiar, Nai Maromak hii kastigu ura, i ba sium ura nii lalehan.

Faklau telo, Jesus ni eskolanti room fun tuir Ura ni orde. Room laa nii mundu tema, oid nee sai enlaa Jesus ni Novidade Kode. Nai Maromak meit nee kbiit la room oid fun milagre tuir naam bae fee Jesus tafaar soub la room. Manura, roo leob fei soub dega Novidade Kode ura doloo didi.

I maen too tafaar la room dega, “Iim ba leob matau! Au taad iim maa nae Jesus ois aldeia Nazaré, iid bae fee roo loet nii kruus. Ura ba nei nii uri soub. Deslaa Ura mori siil soub! Maa iim fei rasik hati kiid bae room haat Jesus ni maet isi la too, mamu telo soub!

Nii saal fusu, room kase la loor dega, “Orsiid seen fee naha tulun iit oid duud sai haut tuu ois rate gugu? Iit ubu teul duud haut too ba leob, deslaa haut too tuu tus-tus.” Mahee arfiil room raat nii hati kidura, room fei haut too muda la seri telo soub. I room tafae la nii Jesus ni rate lala. Mahee room hleeh tus-tus, deslaa room eot maen ulkoil iid medei bael her room lima doloo. Ura ni hena manaru i buti tus-tus.