Népszerű bibliai igeversek innen: Matej 5

Megosztás

Niko na tharela i svetiljka i te garaj la talo čaro, nego čhivela la ko than zaki svetiljka te šaj svetlini sarijenđe kolai ano čher. Ađahar hem tumaro svetlost te svetlini e manušenđe te dikhen tumare šukar ćeriba hem te slavinen tumare Dade kovai ano nebo.”

Tumen injen o svetlost e svetose. I diz savi upri gora našti te garaj pe.

Bahtalei o manuša bimelale vilesere, adalese so ka dikhen e Devle!

Bahtalei o bokhale hem o žedna zaki pravednost, adalese so o Devel ka čaljari len!

A me phenava tumenđe: Mangen hem tumare neprijateljen hem molinen tumen okolenđe kola progoninena tumen

“Bahtalei o čorore duhoja adalese soi olengoro o carstvo e nebosoro!

Bahtalei okola kola ćerena mir, adalese so ka vičinen pe čhave e Devlesere!

Bahtalei okola kola tugujinena, adalese so o Devel ka utešini len!

Bahtalei o progonime zaki pravednost, adalese soi olengoro o carstvo e nebosoro!

Bahtalei o milosrdna, adalese so o Devel ka mothoj lenđe milosrđe!

Bahtale injen kad zbog mande o manuša vređinena tumen, kad progoninena tumen hem kad hovavne vaćerena protiv tumende! Radujinen tumen hem oven bahtale, adalese so bari nagrada adžićeri tumen ko nebo. Adalese so ađahar progoninde e prorokonen kola inele angleder tumendar!”

Bahtalei o krotka, adalese so olenđe ka ačhol i phuv!

O Isus phenđa: “Tumen injen sar o lon e manušenđe ki phuv. Ali te o lon našalđa plo londipe, soja ov ka lonđari pe? Esavko nane šukar nisose, sem te frdel pe avri, te gazinen le o manuša.

Adalese tumen oven savršena sar soi savršeno tumaro Dad kovai ano nebo.”

Kad phenena: ‘Oja’, nek adava čače značini ‘oja’; kad phenena: ‘Na’, nek adava čače značini ‘na’. Sa so više phenena adalestar, avela e Bišukarestar.”

I o Isus phenđa: “Šunđen soi phendo ano Zakoni: ‘Jakh zaki jakh, dand zako dand!’ A me phenava tumenđe: Ma suprotstavinen tumen e bišukare manušese! Te khuvđa tut neko ki desno čham, irin lese hem i dujto!

Te ti desno jakh legari tut ano greh, ikal la hem frde la tutar. Adalese soi po šukar tuće te našale jekh kotor te telostar nego sa to telo te ovel frdime ano pakao. Hem te to desno vas legari tut ano greh, čhin le hem frde le tutar. Adalese soi po šukar tuće te ačhove bizo jekh kotor te telostar nego sa to telo te džal ko pakao.”