Népszerű bibliai igeversek innen: मत्ती 3

Megosztás

ख्‍याया़ राहङ-राहङगी सेमगी स्‍या़बा पेहती तिहक्‍पा पाङदी राहङगी सेम किन्‍ज्‍यो ङो़ले लो़हक्‍यो यिहन्‍सीमानानी ख्‍याया़ ओ़हला ते़बेगी डोलु-तेहलु पेहतोङ।

ओ़हजेलाराङ स्‍यिहङगामले, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ सेम काहसो येह” म़ेदी माएँ सुङ-क़े च्‍यी़ थ़ेसीन।

बप्‍तिस्‍मा नोम छार फान्‍ज्‍यो येशू छ्युलेगी थेन फेप्‍सीन। ओ़हजेलाराङ स्‍यिहङगाम खा फ़ेसीन, ओहले येशूगी किन्‍ज्‍योगी थु दुङगुकुर ल़ेहमुराङ जेती राहङ थो़ला फेप नाङग्‍यो ज़ी़ नाङसीन।

तेहम्‍बाराङ, ख्‍याया़ राहङ-राहङगी सेमगी स्‍या़बा पेहती ता़ह तिहक्‍पा पाङज्‍येला ठाबे काहल्‍ग्‍यो यिहन म़ेदी तेन्‍ज्‍येला ङाह ख्‍याया़ला छ्युगी बप्‍तिस्‍मा तेर्को येह, यिहॱनाङ ङाह म़ेदी तिङले फेप नाङगेन्‍दीगी ख्‍याया़ला नाम्‍पार-ताहक्‍पा थु दाङ मेहगी बप्‍तिस्‍मा नाङज्‍ये येह। मिहरोनी ङाह म़ेदी ज्‍यिबुराङ ओङ छ्यिम्‍बु येहबा। ङाहनी मिहरोगी स्‍याहप्‍चेन थो़ज्‍येलाॱआङ सी़हज्‍ये म़ेह।

ताहन्‍दाॱराङ तारी तोहङबो रिङला क्‍याहप सिहन्‍दी येह। ओ़ह सोङबे सेदो मे़हयाहगेन्‍गी तोहङबो का़ह येहकेन्‍दी तुप्‍ती मेहला क्‍युर्च्‍ये येह।

ता़ह यशैया लुहङतेम्‍बागीॱआङ ओ़ह यूहन्‍नागी तेहन्‍दाला तोहङलेराङ दि ल़ेहमु म़ेदी सुङ नाङदी येहकें– “ङ्यिहन्‍दोङ, रिह-काम्‍बुला मेहन्‍दा च्‍यी़गी क़े छ्यिम्‍बुज्‍यी तेन्‍दी दि ल़ेहमु माउ दु, चो़वो छ्येवा फेप नाङगेन्‍गी फेप्‍लाहम ठाबे पेह, ओहले मिहरोगी फेप्‍लाहमया़ थेका जे़दोङ।”