Népszerű bibliai igeversek innen: Elshiler 1

Megosztás

Biraq sizlerge Muxaddes Ruwx túskende kúsh-quwat alasızlar hám Erusalimde, pútkil Yahudiyada, Samariyada, hátte, dúnyanıń shetine deyin Meniń gúwalarım bolasızlar, – dedi.

Iysa olarǵa: – Ákeniń Óz biyligi menen belgilep qoyǵan waqıt-máhállerin biliw sizlerge berilmegen.

Olar menen birge bolǵanda mına buyrıqtı berdi: – Erusalimnen ketip qalmańlar. Al ózlerińiz Mennen esitken Ákemniń wádesiniń orınlanıwın kútińler. Sebebi Yaqıya suw menen shomıldırǵan edi, biraq sizler kóp kún ótpey Muxaddes Ruwx penen shomıldırılasızlar.

Ol azap shegip ólgennen keyin, kóp isenimli dáliller menen elshilerge Óziniń qayta tirilgenin kórsetti. Qırıq kún dawamında olarǵa kórinip, Qudaydıń Patshalıǵına baylanıslı nárseler haqqında ayttı.

Iysa usılardı aytıp bolıp, olardıń kóz aldında aspanǵa alındı. Onı bir bult qaplap, olardıń názerinen uzaqlastırdı.

Iysa kóterilip baratırǵanda, olar kózlerin aspanǵa tigip turǵan edi. Birden olardıń qasında aq kiyimli eki adam payda bolıp: – Háy, galilalılar, nege aspanǵa qarap tursızlar? Sizlerden aspanǵa alınǵan bul Iysanıń qalay kóterilgenin kórgenińizdey, Ol anıq solay qaytıp keledi, – dedi.