Népszerű bibliai igeversek innen: मत्तय 6

Megosztás

एनासाठे सर्वास्तून पहिले हय करा, कि परमेश्वर ना राज्य आणि तेना धार्मिकता ना शोध करा, त या सर्वा वस्तू तुमले भेटी जातीन.

एनासाठे कालदिन ना बारामा चिंता नका करा, कारण कि कालदिन आपलीच चिंतास्ले लईन. आज ना साठे आज ना दु:ख गैरा शे.

एनासाठे मी तुमले सांगस, कि दररोज ना शारीरिक जीवन साठे हय चिंता नका करज्यात, कि आमी काय खासुत आणि काय पीसुत, आणि नईत आपला शरीर साठे कि काय घालसुत, निश्चित रूप मा तुमना जीवन तुमना खावा पिवा तून जास्त किमती शे. आणि तुमना शरीर तुमना द्वारे घालायनारा कपळास्नि तुलना मा जास्त किमती शे.

पण जव तू प्रार्थना करशी, त आपली खोली मा जाय, आणि दरवाजा बंद करीसन, आपला स्वर्ग मधला बाप संगे जेले कोणी नई देखू सकत, तेना संगे प्रार्थना कर, आणि तव तुना स्वर्ग मधला बाप जो गुप्त मा देखस, तुले सर्वा समोर प्रतीफय दिन.

तुमले ह्या प्रमाणे प्रार्थना कराले पाहिजे, ए आमना बाप, तुजो स्वर्ग मा शे, तुना पवित्र नाव ना आदर करामा येवो. तुना राज्य येवो, तुनी ईच्छा जशी स्वर्ग मा पुरी होस, तशी पुर्थ्वी वर बी होवो.

आम्हनी दिन भर नि भाकर आज आमले दे.

आणि जसा आमी आपला अपराधीस्ले माफ करेल शेत, तसाच तू बी आमना अपराधस्ले माफ कर.

आणि आमले परीक्षा मा नको लयजो, पण सैतान पासून आमले वाचाळ. कारण कि राज्य सामर्थ आणि गौरव कायम तुनीच शे, आमेन.

एनासाठे कदी तुमी माणसस्ना अपराधस्ले माफ करशात, त परमेश्वर तुमना बाप जो स्वर्ग मा ऱ्हास, तुमले माफ करीन.

आकाश ना पक्षीस्ले देखा, त्या नईत पेरतस, नईत कापतस, आणि नईत कठोरास्मा एकत्र करतस, तरी बी तुमना स्वर्गीय बाप तेस्ले खावाळस. आणि तुमी निश्चित रूप मा पक्षीस्ना तुलना तून गैरा जास्त किंमत शेतस.

आपला साठे पृथ्वी वर धन एकत्र नका करा, जठे उदी आणि जंग खराब करस आणि चोर मधमा घुशिसन चोरी लीजातस. पण चांगल करीसन स्वर्ग मा आपला साठे प्रतीफय एकत्र करा, जठे उदी आणि जंग नाश नई करस, आणि जठे चोर नईत मधमा घुशिसन चोरी करतस. कारण कि तुना मन कायम तठेच लागेल राहीन जठे तुना धन शे.

कोणताही माणुस एकच टाईम वर दोन मालकस्नी सेवा नई करू सकत, कारण तो एक ना संगे तिरस्कार आणि दुसरा संगे प्रेम ठेवीन, नईत एक ना संगे समर्पित राहीन व दुसराले तुच्छ समजीन. तुमी परमेश्वर आणि धन या दोनीस्नी सेवा नई करू सकतस.

एनासाठे जव परमेश्वर मैदान ना गवत ले, जो आज शे, आणि कालदिन आग मा फेकामा ईन, अशी सुंदरता देस, त तो निश्चित रूप मा तुमनी बी देखभाल करीन, तुमना विश्वास इतला कमजोर काब शे?

पण जव तू दान करस, त जो तुना उजवा हात करस, तेले दुसरा लोकस्ले माहित नई पाळाले पायजे. एनासाठे कि तुना दान गुप्त राहो, आणि तव तुना बाप जो गुप्त मा देखस, तुले सर्वा समोर प्रतीफय दिन.

सावधान राहा. तुमी माणसस्ले दाखाडा साठे चांगला काम नका करा, नईत तुमना बाप जो स्वर्ग मा ऱ्हास तुमले काही बी फय नई देवाव.

जव तुमी उपवास करशात, तव कपटी सारखा तुमना तोंड वर उदासी नका दिखाले पाहिजे, कारण कि त्या आपला तोंड दुखी दाखाळतस, एनासाठे कि लोकस्ले समजो कि त्या उपवाशी शेतस. मी तुमले खर सांगस, कि तेस्ले आपला प्रतीफय भेटी जायेल शे, जे कि लोकस्ना द्वारा बडाई शे. पण जव तू उपवास करशी त आपला डोका वर तेल लाव आणि तोंड धोय. एनासाठे कि लोक नई पण तुमना स्वर्ग मधला बाप जो तुले गुप्त मा देखस, तुले उपवाशी समजो. याच दशा मा तुमना स्वर्ग मधला बाप जो तुले देखस, तुले सर्वा समोर प्रतीफय दिन.