Népszerű bibliai igeversek innen: UPUTUKILO 17

Megosztás

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Jina lie kulichi kupwa Apalama, alioze makuvuluka ngwo, Apalahama mumu hinakupwisa kakó ya chihuji cha mavungu.

Kumungukakolesa usendo wami hakachi ka yami ni yena ni munyachi we kulutwe lia yena ku yisemuko yo ukapwe usendo wa mutolo, ngukapwe Zambi kuli yena ni kuli akwa munyachi we kulutwe lia yena.

Nyi yami, tala usendo wami kuwakola ni yena, kumukapwa kakó ya chihuji cha mavungu.

Zambi yamba ngwenyi, Hi chocho ko, alioze mukwenu-pwo Sara makusemena mwana wa lunga. Ukamuluke jina Izake, mba mungukolesa nenyi usendo wami ukapwe usendo wa mutolo ku munyachi wenyi kulutwe.

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Henaho Apalahama yafulamana ha meso jenyi, yaseha, yamba mu mbunge yenyi ngwenyi, Te kumakasema mwana kuli yoze hapwa ni kulakaji lia miaka, nyi? Te Sara meza kusema, hapwa ni makumi livwa a miaka nyi?

Zambi yamba nawa kuli Apalahama ngwenyi, Ha kutwala kuli pwo lie Serai, kanda umuvuluka nawa ngwe Serai alioze jina lienyi likapwe Sara.

Kumakanupwisa ngalami mu musunya wenu, ukapwe chilayi cha usendo hakachi ka yami ni yena.

Alioze usendo wami mungukakolesa ni Izake, yoze Sara makusemena ha kakweji yono ngunatongola ha mwaka muwizaho.

Mweswe maheta ku matangwa nake hakachi kenu akamupwise ngalami, lunga mweswe ndusu yisemuko yenu, chipwe yoze wasemuka mu zuwo chipwe yoze wa kulanda ni mbongo kuli mukwa munyachi weka, hi munyachi wenu ko. Ni yoze wasemuka mu zuwo lie, ni yoze wa kulanda ni mbongo jenu, eswe akwete kupwa ngalami. Mba usendo wami muukapwa mu musunya wenu, usendo wa mutolo.