Népszerű bibliai igeversek innen: Matayo 6

Megosztás

Uvii, ufenji tanju Utemi wa Muungu na mafenji akwe, na ayoo angëja oong'e muufewa gwa goongeeywa.

Uvii, mutajee goosëghanëya na ukhaghata a fadiu, gusoko fadiu ëgëkhasëkea nyeeso. Malwe a itiku rëmwe ëmudahëte gwa itiku rësëë.

“Uvii, nene ngumwëëra nyenye tajaa moosëghanëya na uhanga uusaghasaghëi gwa ilëwa na intu roonywa nëmuufenja gwa uduvi, mbesa gwa masaa nëmuufenja gwa mëërë anyu wurë, uduvi utikëire ilëwana na mwëërë ti ukëra masaana?

Ëgweeso veve nëwooromba, umbee ako, wuutie ruri na romba kunë Tata wako nëugoonaa mugëmpihë, na Tata wako nëugoonaa mugëmpihë ugugufa gëfewa.

Uvii, nyenye rombi vii: Tata witu vee në wëë girunde, Rina rako rëëriwe. Utemi wako uje, Nëuguyafenja ëtendeke Mung'ë ëyëë mwino ëgutendekaa girunde.

Ugufe rëo malëwa itu nëmaja

Ugurekëe sese hëërë yitu, Mwino see guuvarekëa vasaa nëvina hëërë kunë sese

Na utagutongeree sese mung'ë a maëghëëyo; ëgweeso utyoe ufuma mu uvë.

“Gusoko nyenye nëmwaarekea antu mahutye awe, Tata wanyu në wëë girunde ugumurekëa nyeenoo.

Yiraraavi nyonyi ya gihaka: Itiufandëaa, itiutënangaa, kangë itina iseengwa mba nduvë. Mbesa uvii, Tata wanyu në wa girunde uguyilësyaa. Wurë, nyenye ti mwëvaja nanguu ukera isiina?

“Mutaivëkëyee mpamba afaa mu urëmi, fana noondo nanë ukhoto na ahëmbi vëgingëa na uhëmba. Ëgweeso ivëkëyi mpamba girunde fana noondo nanë ukhoto ëtiudaha uruvanga, fana ahëmbi noo vëtigingëa vëhëmbe. Gusoko faafo fana mpamba ako ërë, u faafo noo kunë nkhoo ako injë.

“Gutie muntu nëudahëtë uvatumamëa aküü vavëë; gusoko mbesa mweeso ugumuhura umwedu na umuyanja ungëja, mba mweeso ugifunya kunë umwedu na umuhorya ungëja. Gusoko mutiudaha umutuma mëa Muungu itambëëmwe na maari.

Nësa, uvii, Muungu ugurëtambëëyaa uvii ihwa ra umughunda në rëo rërëfo na fadiu rëughumëwa mumoto, wurë mweeso atiutenda umuriecha nyenye, nyee antu nëmwina uhuvëi wëënduvëëngë?

Ëgweeso vee nëwaduya dahwa, mukhono wako wa gëmoho utamanyee rësëë në mukhono wako wa gëlëlo ugutenda. Duya dahwa ako gwa gëmpihë, na Tata wako nëugoonaa mantu nëëfihëkie ugugufa gëfewa.

“Ighoji utenda ntendo yanyu njija usonge a antu gusoko mumanyike kunë veeso. Nëmwatenda uvii, Tata wanyu në wëë girunde atiumufa gëfewa.

“Nëmwafunga mutatendee mwina uvavi mwino anyalakuno. Vasaa vëunyaryaa masyu awe vëdahe umanyëka na antu mwino vëfungie. Nene ngumwëëra tutë, vasaa vadahie uhanga gëf'ewa gawe. Ëgweeso veve nëwoofunga, vira itwe rako makuta na oya usyu wako. Muntu atamanyee mwino ufungie ëgweeso umanyëke gutufu kunë Tata wako në wëë mugëmpihë. Tata wako mweeso noo nëugoonaa mugëmpihë ugugufa gëfewa.