Népszerű bibliai igeversek innen: Genese 1

Megosztás

Aualari mariape: “Ela haela elaviila ve maea hovea karikikilai; ere va ma ve ekaka, akea ve la ori oaria, kai loalula eharu oaria, kai meahaiapo, kai meahaiapo hai loalula la eharu oaria ila, ve akea ve leivahaeakilai”. Laelave, Aualari va haela elare maea hovea karikipe, Aualari ve maea hovea vila i uva ila are karikivahaeape.

Aualari erealilara lei momorapupe, kai erealilara maeaeape: “Ealila mekaka leivahaeaki, kai oaria leivahaeaki, meahaiapo heloekoaki, kai meahaiapo heaorapaki: evalila ma ve ekaka, kai akea ve la ori ve, kai meahaiapo ve ovokake eharu oaria, akea ve leivahaeaki”.

Avare koare hoa Aualari kaia i meahaiapo ila karikipe.

Meahaiapo ve maea hovea karia kai haroka iele; meamuru ma akea ve aeaveape; Aualari ve Ove ma akea ve aula‐kela veape.

Aualari mariape; “Ovava leikilai”; kai ovava le leipe.

Aualari karikivahaeape eharu oaria ovohae eavavahaeape, mekaka hiki. Hailaea i vevelare ila hare aukava ila le leipe.

Aualari ovava eavape, ovava veveke; Aualari ovava i mea muru ila lahua lahua leivahaeape.

Aualari erealilara maeaeape: “Ara ealilaro eharu oaria aiarakive; meahaiapo ureve hae ila la kora mere oaria ila, mekaka oaria hae ila la kora oaria kara; la eharu oaria e v'ila eapai leivahaeakilai.

Aualari ovava ve rare Hare rare itavape; Are mea muru rare Oroa rare itavape. Hailaea i vevelare ila ve oropa hare la.

Aualari mariape: “Ma ve aru hihi ve kaia leikilai; are ma au kovaelakilai”.

Ara va meahaiapo loalula eharu oaria, kai akea ve la ori oaria, kai hai loalula la eharu oaria, ovokake eharu oaria la, Ara hohe eharu aiarakive, ehovea ereve eapai”. Laria leipe.

Aualari mariape: “Kaia ve ovava eharu oaria leikilai, ehovea hare i oroa ila lahua leivahaeakive; ere va ihova hovea leivahaeaki, kai hoa hoa, kai hare, kai hitolo

Aualari mariape: “Meahaiapo hohe lei horerakilai, hae ila la kora mere, kai kora oaria elare hae ila; are elare hae elare ure ve horerakilai, meahaiapo akea ve”. Laria leipe.

Aualari la kaia karikipe; Are kaia ve ihau ve la ma kai kaia ve akea ve la ma au hamureape: are laria leipe.

Meahaiapo hohe lei horerape, kai elare hae ila la kora mere, kai hae ila la kora, elare maea hovea, elare ureve la hae lei horeavape. Aualari ovohae eavape, ere veveke hiki.

Aualari ovava ehoaha orahokaila karikivahaeape, ovava eapapo hare kiva leikive, kai hekai maea la ovava oroa kiva leikive. Are kou oaria kara karikivahaeape.

Aualari mariape: “Kaia ve ihau ve la ma ita haroapo korukaiakilai; kai mea kakarara hikika leikilai”. Laria leipe. Aualari mea kakarara rare Meahaiapo rare itavape, kai ita haroapo korukaiavahaeape la ma are Ahea Ma rare itavape. Aualari ovohae eavape, are veveke hiki.

Aualari erero momorapupe, kai mariape: “Mekaka leivahaeaki, oaria leivahaeaki, kai ahea ma heloekoakive, kai maho ila eharu oaria maeakoko meahaiapo ureve leivahaeaki”.

Aualari mariape: “Meahaiapo loa loalula ovokake eharu lei horeavaki, elare maea hovea, boromakau i hai loalula eharu oaria, kai meahaiapo ve ovokake eharu lahua lahua oaria”. Laria leipe.

Aualari mariape: “Eharu oaria ma ve horeavakilai, kai kaia akea ve maho i aula kelari eharu oaria horeavakilai”.

Aualari meahaiapo ve ovokake eharu oaria karikivahaeape, elare maea hovea, kai boromakau oaria elare maea hovea, kai meahaiapo hai loalula eharu oaria kara, elare maea hovea. Aualari ovohae eavape, kai ikivere leipe.