Népszerű bibliai igeversek innen: Mathew 7

Megosztás

Tur paere, wa te la mun kamiu; tur sike, wa kam te ilo suar; tur niŋniŋ, wa te waka mun kamiu.

Ape valsei we paere we lav mona; wa isei we sike we ilo suar; wa munsei we niŋniŋ te waka munia.

Manigiu o ine isei qe roŋotag mok o vavae ŋaŋ iloke wa we ge tataga, te tenegag ape neia si tama o tanun matanur, me taur mona naimana vawo vat.

Wa o val savasava ŋaŋ kamiu we maros o tanun ŋaŋ neira a ge mun kamiu, tur ge momiu tamaine muneira; ape o ike nake o lea wa ira prophet ŋaŋ.

Ape mantagai o mategeara, wa we kokota o matesala, we lavlav ilo esu; wa neira o tapai we sike suar ilone.

Tur mule pata ape mategeara mantagai; ape o mategeara we lava, wa o matesala we tawela, we lav rasei ilo matea; wa we qoqo neira we mulemule pata alolona.

Pa si kamiu, we toga malkeke, pa we gilala we la o sogov we wia munra mermereimiu, pa i Tamamiu tavunana tete la sal aneane o matai gene ŋaŋ mun rasei we paere munia?

Turpea veveveg, nan wa veveg kamiu. Ape mun o sava lea veveg kamiu we veveveg nia, te veveg kamiu mun ilone; wa mun o sava qat towotowo kamiu we towotowo nia, te towo kel mun kamiu mun ilone.

Wa isei qe roŋotag mok o vavae ŋaŋ iloke pa gate ge tataga, te tenegag ape neia si tama o tanun o qaqae, me taur mona naimana alo one.

Wa ape sava ko we ilo o naenaeai alo matan tasima, nava gate nonom qalo o vat tangae alo matama kel? Si ko te vava gasei lai mun i tasima wa, Si na sipe savrag gai o naenaeai nan namatama; wa ilo, o vat tangae ti alo matama?

Tur ilo goro kel kamiu nan o prophet soŋsoŋ ŋaŋ, we mulemule qa sur kamiu we saru gorora mun o vin sheep, nava alololora neira o qoe kurkur. Kam te gilala laira ape woara. Te tawo lai o wo vine nan o wolakaukau, si o wo fig nan o sou?

Tamaine gina val matai tangae ti uwa o woai we wia ŋaŋ; nava o sokore tangae ti uwauwa o mala woai gese.

O matai tangae tete uwa lai o mala woai ŋaŋ, wa o sokore tangae tete uwa lai o woai ŋaŋ we wia.

Val tangae ta tete uwauwa o woai we wia, te tara reag, wa te savrag vawo av.