Népszerű bibliai igeversek innen: Mata 13

Megosztás

Hulef masa e kezl kad pa slam mambəla ana sə, aŋga ara nda macəka zləmay fa ma ta Zlavay, a cəna. Ara nesey, e hey wude hey. E hey wudiya ana hay temere, ŋgeɗey kwakwar makwa, ŋgeɗ saya kwakwar mahkar.»

Hulef masa e kezl kad pa mətak hay sə, ŋgesey aŋga ara nda macəna ma ta Zlavay, amaa mawulak yaŋ ta vavara va mafəc nda te zleley hay aca ŋgaŋgəɗac ma ana, ara nesey, nda ana e hey aabay.

Daha ndana a cəna ma da yaŋ Wunam ta bay da baymaləvaŋ, amaa a cəna ma da yaŋ ana bay sə, afa nda suwe te dekey, ta kəsan ma masləka dapa rav tata. Nda ana ŋgesey, aŋga ara hulef masa aŋga te kezl a ma te cəvey.

Hulef masa e kezl kad pa slam ɗəsa sə, ŋgesey nda macəna ma ta Zlavay, aca kəsiya zef zef eve mewesley. Amaa aŋga ava slaslalay aabay, afa a kəsiya sə, ta manjah kusetke war. Pas masa marga va mayah ma hay te dekey mafay ta ma ta Zlavay sə, a təɗata.

«Wunam ta bay da baymaləvaŋ hay sə, aŋga ara zleley maraɓa de ley masa ndana ka ŋgata avəda, a raɓda saya. Dapa meweslə tata, a daɓa, a husamda jene hay tata fakwanay, a da husam ley ana.

Mekele hay, ece kwi kad pa slam mambəla ana, ece hey wudiya ana hay gaa. Hulef amta sə, e hey temere, leŋgeɗ kwakwar makwa, leŋgeɗ saya kwakwar mahkar.

Megərdeceŋ ece re gəl fa slam ana kasl fa kiya te meŋgə jene kad a wunam. Ye te gweɗec ndah meŋgek jene de ley, aca ra tawa zlərev ana avəda ɗagay, aca ra ɓəcaɗ fa slam ana ke te ndeley, ta bəley sə, ece re ɓəceken kad pa wuda aɗaw.»