Népszerű bibliai igeversek innen: Yoa 7

Megosztás

E môt a buni ma, aval ane Ntilane wo jô: Asôé mendime ma ve ényiñ da ye kui nye abum été.

E môse wo su'ulan, e ñwô wo dañe beta môse ya Abôk, ane Yésus a nga kôlô si a yôtane na: Nge môt a wô'ô évé, a za'a be ma a zu nyu.

Ve a nga jô nalé a kobô'ô ajô ya Nsisim bôte ba buni nye ba ye nyoñ. Valé Nsisimi a ngenane te bo, amu éyoñ éte Yésus a ngenane te nyoñe duma.

Te mia tyi'i mejô e ñyenane ya mis, ve tyi'ane mejô *zôsôô ntyi'an.

E môt a kobô ajô dé émien, a jeñe fe ve duma dé émien; ve nyô ki a jeñ duma môt a nga lôme nye, e nye a ne bebela, a ékotekot éziñ é nji bo be nye.

Ane Yésus a nga nyoñe nkobô a jô na: Miñye'elane miam mi nji bo émiam, ve mi mi môt a nga lôme ma.

Bôte ya *si nyô be se ngule ya siñe mia, ve ba siñe ma, amu ma tyi'i mva'a na mimboone miab mi ne *abé.