Népszerű bibliai igeversek innen: Mm 2

Megosztás

Ane Pierre a nga jô be na: Kôñela'ane minlem; môt ase ya be mia a duban a jôé Yésus Krist, ajô njamane mam *abé mé, wôna, mia ye nyoñe mveane Mfufube Nsisim.

Be nga semé nye'elane Minlôman, a fulane minlem ane bobenyañ, ajô mbe'ane fembé a mboone meye'elane.

Bese be nga jaé ne lut a Mfufube Nsisim. Ane be nga kobô *minkobô mife ane Nsisim a nga liti be.

Atemeteme na, éduñ é nga so yôp aval ane ngul évuñulu ôkôs; *nda be nga too, é nga jaé ne lut a éduñe te. Nde, jôm é funa'an ayeme nduan, é nga salane zañ, a bebe môt ase ya été nlô yôp. Bese be nga jaé ne lut a Mfufube Nsisim. Ane be nga kobô *minkobô mife ane Nsisim a nga liti be.

Tyiñe jia, be nga bo mbane ya ke *nda Zambe. E menda mab été, be nga be'e fembé, be ja'a fe bidi a minleme nje'eban. Be nga kañe Zambe, a bôte bese be nga nyoñe be *mvo'é. Môs ôse, Nti a nga bo a kô'ôlane bôt be nga yene ényiñe nsamba wop.

éyoñ a nga kobô na: Melu ma su'ulan, Zambe a nga jô na, ma ye sôé Nsisime wom e be minsône mise. Bobefam benan a bobebinga benan ba ye kulu mejô, bisoé bienan bia ye yene mam e *nsisim été, a minnôme mi bôte mienan mia ye yeme biyeyem.

Bôte bese be nga buni, be nga to nlatan a belane biôme fufulu. Be nga kuane mesi map, a biôm biap, a kabane moné ya été, aval ane minkômban mi môt ase mi mbe.

Nde bôte bese, nyô a ye loone jôé Nti a ye nyiñ.

Jôp da ye veñesane dibi a ngon k'éveñesane metyi. Valé beta môse ya duma Nti a ngenane te so.