Népszerű bibliai igeversek innen: मती 13

Megosztás

महज असल जमिनमे परल बिचहन उ लोकसब जखा चियै, जे बचन सुनैछै, बुझैछै आ साँचोके फल फराइछै। उ छिटल बिचहनसे सय गुना, साइठ गुना आ तिस गुना फल फराइछै।”

काँटके झारमे परल बिचहन उ लोक जखा चियै, जे बचन सुनैछै, महज सन्‍सारके चिन्‍ता आ धन-सम्‍पतीके मोह-मायासे बचनके दाइब दैछै। उ बचन ओकर जिबनमे कोनो परकारके फल नै फराबैछै।

जे लोक परमेस्‍वरके राजके बचन सुइनके नै बुझैछै, उ लोक रस्‍ताकातमे परल बिचहन जखा चियै। तब सैतान आइबके ओकर हिरदयमे भेल्‍हा बचन छिनके ल्‍याजाइछै।

पथले-पथल जमिनमे परल उ लोक जखा चियै, जे परमेस्‍वरके बचन सुनैत मातर खुसिसाथ गरहन करैछै। महज उ बचन ओकर हिरदयमे नै गरलाके कारन कुछदेर मातरे रहैछै। तब परमेस्‍वरके बचनमे बिस्‍बास करलाके कारन जब दुख आ सताबट आबैछै तब बिस्‍बाससे पछा हैट जाइछै।

“स्‍वरगके राज खेतमे गारल बहुत अनमोल धन जखा चियै, जे कोनो एकटा लोकके भेटैछै, ओकरा उ माइटके तरमे गाइरके राखैछै आ खुसी हैत जाइछै आ आपन सब धन-सम्‍पती बेचके ओहे खेत किनैछै।

महज कुछ बिचहन हलगर जमिनमे परलै आ बैरहके कोनो सय गुना, कोनो साठी गुना आ कोनो तिस गुना फल फरलै।

बाली काटै बखत तक दुनुके सङे-सङे बरहेदहै। गहुम काटै बखत हम काटैबलासबके कहबै, ‘पहिने झरके ढेरिया आ डाहैले बोझा बान्‍ह, तब गहुमके हमर बेखारीमे राख।’”