Népszerű bibliai igeversek innen: लूका 8

Megosztás

और जो बी निकी भूमि में पड़ीयान, यो उन लोगून की नियाती छन, जो बचनून सुणभेरन भल मन मानभेरन पक्का विश्वासी बननान।

और जो बी झाड़िन का बीच पड़ीनान छन, यो उन लोग का नियाती छन जिनूनले बचन तो सुणनान, लेकिन बाद में चिन्ता, धन-दौलत, और जीन्दगी का सुख-विलास में फँस जानो परमेश्वरा का बचन में रूकावट डालछी। और उक जीन्दगी में बचन कै काम नै कर पानो।

और जो बी चट्‍टान में पड़ीयान, यो उन लोगून का नियाती छन जो बचन सुणिभेरन खुशी-खुशी मान्नान। और उन थ्वाड़ा बखत तलक विश्वास करनान, और परीक्षा का बखत बहक जानान।

तब यीशु ले अपून शिष्यून थैं क्योछ, “तुमोरो विश्वास काँ छै?” लेकिन उन डर जानान और ताजुब हो भेरन आपस में इसो कुन लाग्यान, यो को छै, जो तूफान और पानि की लहर ले हुकुम दीछो, और उ येकी बात मान्नान?

बाटा का किनार को मतलब उन लोग छन जिनूनले परमेश्वरो को बचन सुणछ्य, लेकिन शैतान उनार मन भटे उ बचनून चुरा लिजाछो, कि काँई इसो नै हो कि विश्वास करभेरन उन उद्धार पान।

म्येरो कुंना को मतलब छै, परमेश्वर हर उ बात स प्रगट करोलो, जस लोग ऐल तक नै जाणना। उ हर उ बात स प्रगट कर द्योलो जो ऐल तक गुप्त छन।

परन्तु जब उ स्यैनि ले देखछ्य, कि उ अब लुक नै सकनी, तब उ स्यैनि भौत डरनै और थरथरानै यीशु का पास आभेरन उक खुटान में पड़गै, और उले सबून का सामुनि बतूछी, मैंले कि कारण ले यीशु का कपाड़ा छूयान, और उ कसीकैं तुरन्त चंगी हो गैछ। यीशु ले उथैं क्योछ, “चेलि, तैले मैंमें विश्वास करछ्य, और यो बात ले तैंस चंगो करछ्य, खुशी ले घर खिन न्हैजा।”

तब उनूनले यीशुस जगाछ, और क्योछ, “हे मालिक! मालिक! अब हम डबून मरिया।” तब यीशु ले उठाभेरन आंधीस और पानि का लहरून डांटछ्य, और उ थामी ग्यो।