Népszerű bibliai igeversek innen: MAARQOOSI 6

Megosztás

Isino, «Ane ledo ka'a shiqqi yitine, shiima geeshsha fooliishshidhe» yiinsa. Hatto yiinohu, lowo manni daanninna ha'ranni qarriseenna sagale ittanno gara hoogginohuraati.

Hakka woyite Yesuusi, «Himanaancho wole gobbara ayirrinsanni; baadosi, fiixisinna ayiddisi mereero kayinni dinaandannisi» yii.

Yesuusi yowolote aaninni dirri woyite, lowo manni allaalaanchu nookki ge'reewi gede ikkinota lae marare, lowo coye rosiisinsa.

Hakkiicho shiima dhiwamaano, anga aanaho wore hursa agurranna, wole maalale diassino. Amma'na hoogansarano lowo geeshsha maala'li. Hakkunni gedensaanni, Yesuusi rosiisanni qacha baala doyi.

Yesuusi onte timanna lame qulxu'me haa're, gordo hige lae Magano galati. Timma hiiqqaqqe, mannaho iillishshanno gede rosaanosira uyi. Lamenta qulxu'meno baalunkura beehi. Baalunku itte duubbu. Rosaanosi itteenna gatinoha timmatenna qulxu'mete giggilo tonaa lame soro wonshite kayissu.