Népszerű bibliai igeversek innen: ማ̈ቶ̈ሳ 6

Megosztás

ዪንቲ̇ ቲ̈ኒታሪ ጾ̈ሳ̇̇ ካ̈ቲቲንዲኬ ኢ ጺሊቲ ጎይን ኮዪብቴ̇፥ ኢ ዪን ባዛን ዎይ ዪንታ̇ብ ጉጂ̇ሬ።

ዪ̈ኮታ̇ቦ ዪንቲ̇ ጊያ̈ባብ ቲ̈ራፒ̇ቴ፤ ጊያባቦ ማቃ̈ዝ ባዚምቦ ጊያብ ቲሪብቴ፥ ዎይ ቃ̈ማንቦ ኢንታ̇ብ ጊዲዝ ሜቲ ዎ።

“ዪ̈ኮታ̇ቦ ቴ ዪንታ̇ክ ጋ̈ዚንዳ ‘ኑ ኣብዝ ሙይራ? ኣብዝ ኡሽኪ̈ራ? ኣብዝ ማኢ̈ራ?’ ጋ̈ሪ ዪንታ̇ ዶኢን ኮታ̇ ቲ̈ራፒ̇ቴ። ዪንታ̇ ሼምፒ̇ንዳ ፊ̈ሻፖ̇፥ ዪንታ̇ ጋሊ̇ንዳ̇ ኣፊላፖ̇ ሺባሳ?

ኔ̈ኒ ዎ̈ሳ̈ርዶራ፥ ኬ̈ ጌላቤ፥ ካሪን ኔ ጋል ዪብጻ̇ራ ጌ̈ማ ቤስ̇ ዎ ኔ ባ̈ባ̈ክ ዎ̈ሳ̇ቤ፥ ጌ̈ማ ቤስ̇ ጋርታ̇ ኦ̈ሲንቲ̇ኖ ኦ̈ሲን ቤቂ̇ዝ ኔ ባ̈ባ̈ዲ ኔ ዋ̈ጊን ኔ̈ብ ጪጊ̇̈ሬ።

“ዪዚ ዪንቲ̇ ዪዝ ጋ̈ር ዎ̈ሲ̇ብቴ̇፦ ‘ኣፋ ዎ ኑ ባ̈ባ̈ዶ፥ ኔ ሱምን ቦንቺ̇ንቶ̇፥ ኔ ሳ̈ዝ ጋልዳ̇ ካ̈ቲ ማ̈ቃ̇ር ኣስ ኣቂሲዝ ላይን ዬዮ፥ ኣፋ ዎን ኔ ጌይኖን ኦ̈ዚንዲፌ̈ኒ፥ ሳ̈ዝ ጋልዳ ዎ ኣሳንሬ ኔ ጋ̈ዚን ኦ̈።

ኑ̈ብ ኮሻ̇ዝ ፊ̈ሺን ዓታ̇̈ብ ኑ̈ብ ኢማ̇ቤ።

ኑ̈ኒ ኑ̈ብ ኢ̈ት ኦ̈ኖ ኣሳንቦ ኣቶ̇ ጋ̈ዚንዲፌ̈ኒ፥ ኑ ናጋሪን ኑ̈ብ ኣቶ̇ ጋ̈ቤ።

ኢ̈ት ባዝ ጋልዳፖ̇ ኑ̈ና ና̈ጋብዶኬ፥ ፋታና ጋርታ̇ ኑ̈ና ጌልሳ̇ፔ̇። [ካ̈ቲቲ፥ ዎልቃኬ ቦንችኬ ሜናብ ኔዬ̇፤ ኣሚንኤ።’]

“ዪንቲ̇ ዪንታ̇ብ ኢ̈ት ኦ̈ኖ ኣሳንቦ ኣቶ̇ ጌዬጌይን ኣፋ ዎ ዪንታ̇ ባ̈ባ̈ዳር ዪንታ̇ ናጋሪን ዪንታ̇ብ ኣቶ̇ ጌይሬ።

ዪንቲ̇ ካፋን ቤቂ̇ብቴ፤ ኢንቲ̇ ዜር ዜርቂባ̈ሲ፥ ቴይሲ̇ባ̈ሲ፥ ዲእ ጋርታ̇ ሚሺባ̈ሲ፥ ማ̈ቂ̇ናካር ዪንታ̇ ባ̈ባ̈ ኣፎ ኢንታ̇ ሙሲ̈ሬ። ዓት ዪ̈ዲኮ ካፋንፖ̇ ዪንቲ̇ ሺባ̈ሳ?

“ቢላ ሙዪ፥ ባልታ̇ራር ኢ̈ቲ፥ ማ ሶላር ቦ̈ኪ̇ ኤካ̇ንዳብ ዳንዳኣዝ ዓና̇ ሳ̈ዚን ጋልዳ̇ ዪንታ̇ብ ቆሊን ሺ̈ሻ̇ፒ̇ቴ። ቢላ ሞ̈ባሶ፥ ባልታ̇ራር ኢ̈ቲባ̈ሶ፥ ማ ሶላር ቦ̈ኪ̇ ኤካ̇ንዳብ ዳንዳኢባ̈ሶ ቤሲ̇ ኣፋ ዪንታ̇ብ ቆሊን ሺ̈ሺ̇ብቴ̇። ኔ ቆሊንን ዎ ቤሲ̇ን ኔ ቡ̈ዲንዳ̇ር ኢና ዶኣ̈ሬ።

“ፔቲ̇ ኣሲ ናምኢ ላ̈ብ ኣይላ ማ̈ቃ̇ንዳብ ዳንዳኢባ̈ሴ፥ ፔታ̇ና ኢጻ̇ሪ ሜላ ዶሲ̈ሬ፤ ዎይ ፔታ̇ና ቦንቻ̇ሪ ሜላ ሌቂ̇̈ሬ። ዪንቲ̇ ሚ̈ሻ̇ብኬ ጾ̈ሳ̇̇̈ብኬ ዎልኣ ኣይላ ማ̈ቃ̇ንዳብ ዳንዳኢባ̈ሴ።

ጾ̈ሳ̇̇̈ባር ኣማኒንቲባሶ ኣሳን! ጾ̈ሲ̇ ዓታ̇ብ ቤንታ̇ር ጊያብ ታማባራ ሚጪ̇ ዪዝ ማ̈ታ ዪዲፌ̈ን ማኢሲ̈ርዶሪ፥ ዪንታ̇ ዎዛርፌ̈ን ኢንታ̇ፖ̇ ሺ ማኢሲባ̈ሳ?

ኔ̈ኒ ዎርባያንቦ ኢማ̇̈ርዶራ፥ ኔ ኦ̈ሲንዳ̇ ጌ̈ማ ማ̈ቃ̇ምፔ̈ኒ፥ ኔ ኡሻች ኩሺንባር ኢማ̇ዚንዶ̇ ኔ ዓዲርስ ኩሺን ኤራፖ̇። ዪዚ ጌ̈ማ ጋርታ̇ ኦ̈ንቲ̇ኖ ኦ̈ሲን ቤቂ̇ዝ ጾ̈ሳ̇̇̈ዲ ኔ ዋ̈ጊን ኔ̈ብ ጪጊ̇̈ሬ።

“ኣሲ ታ̈ና ቤቆ̇ ጋ̈ሪ ዪንታ̇ ኮሻ ኦ̈ሲን ኣሳ ቲ̈ን ኦ̈ዚን ጋልዳፖ̇ ና̈ጊንቲ̇ብቴ̇፤ ዪ̈ፌን ዪንቲ̇ ኦ̈ጌንዶ ዪንታ̇ ባ̈ባ ቲ̈ናፖ̇ ኣባካር ዋ̈ጋ ዪንቲ̇ ዲጚባ̈ሴ።

“ዪንቲ̇ ጾ̈ማ ጾ̈ሚ̈ርዶሪ፥ ኣሳ ቲ̈ን ጺላ̇ ማይጻንዳብ ኮዪዝ ኣሳን ኢንቲ̇ ጾ̈ማ ጾ̈ማዚን ኣሲ ኢንታኮን ኤራምፔ̈ን ጋ̈ሪ ፌ̈ና ሹሊ̇ቻ̇ዚንዲፌ̈ኒ፥ ዪንቲ̇ ዪና̇ ኢዝፌ̈ኒ ዎታፒ̇ቴ። ቴ ዪንታ̇ክ ኪን ጋ̈ሬ ኢንቲ̇ ፌ ዋ̈ጊን ኩም ኤኪ̇ኔ። ኔ ጾ̈ማ ጾ̈ማ̈ርዶራ፥ ኔ ኣ̈ፊን ሜ̈ጫ̇ቤ፥ ኔ ቆሚ̇ንዳ̇ር ቆታ̇ቤ። ዪኒ̇ባር ኔ ጾ̈ማዚንዶ̇ ጌ̈ማ ዎ ኔ ባ̈ባ̈ፖ̇ ኣቲ̇ን ሜላ ኣሲ ኦ̈ናካር ኤሪባ̈ሴ። ጌ̈ማ ኦ̈ንቲ̇ኖ ኦ̈ሲን ቤቂ̇ዝ ኔ ባ̈ባ̈ዲ ኔ ዋ̈ጊን ኔ̈ብ ጪጊ̇̈ሬ።