Népszerű bibliai igeversek innen: Génesis 8

Megosztás

Ha Ñanderuete ohetũvo pe mba’e ryakuã asy, he’i ipy’apýpe: Namaldecimo’ãvéi pe yvy, kuimba’e ha kuñakuéra rehe; kuimba’e ha kuña py’apy opensa mba’evai rehe imitãrusu ára guive; ha nahundimo’ãvéima ichupekuéra ajapo haguéicha ko’ág̃a. Pe yvy oĩ aja pukukue, oĩva’erã: Ñemitỹ ha mba’e ra’ỹingue ñemono’õ, ro’y ha mbyry’ái, arahaku ha araro’y, ára ha pyhare.

Ha Noe omopu’ã Ñanderuetépe g̃uarã peteĩ kuave’ẽmby renda ha ojapyhy opaite mymba ha guyra ipotĩva apytégui, oikuave’ẽ hag̃ua pe kuave’ẽmby renda ári.

Ha Ñanderuete imandu’a Noe rehe, umi mymba ha opaite mymba saite rehe oĩva guive hendive pe barcoguasúpe; ha Ñanderuete ombou yvy ári peteĩ yvytu atã, oguejy hag̃ua ohóvo umi yeta.

Ha pe pykasu ou jevy hendápe pe ka’arúpe ha oguerúma ijurúpe peteĩ olívo rogue (hi’águi ojejapo acéite); upévo Noe oikuaáma umi yeta oguejypáma hague yvy ape árigui.