Népszerű bibliai igeversek innen: Seemthawhnak 17

Megosztás

Abram sawmkua leh kum kua a kim tikah BAWIPA cu Abram hemah a lang ih, “Kei cu El Shaddai ka ii; ka hmaikaah nungcang la, soibei ii.

Na min hi Abram a i ti thok lo, na min cu Abraham a i thok; icatile miphunpawl tamngaipi ih hringsartu ah ka tan vua rom.

Nang leh kei kan lakkarih thukam, cun namah hnukih na ciitlangpawl an san sung hmawh ah, namah leh na hnukih na hrinsarle ih Pathian i dingah timi kumkhua hmunmi thukam cu ka dinṭho thok.

“Hihi nang rum ka thukam cu a ii: Nang hi miphunpawl tamngaipi hringsartu na i thok.

Pathian ni, “I hlah, na nupi Sarah ni tiapa a tan hrin thok, cun a min ah Isaak na vawh thok. Amah rum ka thukam cu kumkhua hmunmi thukam diinhmun in amah hnukih a ciitlang ca’h ka dinṭho thok.

Cun namah leh mah hnukih na ciitlangle hemah, atu ih tluangmi na ik nak ram, Kanaan ram a zate hi kumkhua ngeihtiak dingah ka tan ṭhen hngai thok; culeh kei cu an Pathian ka i thok,” tiah a ti.

Cutikah Abraham cu a hmai khur tongin a kuum ih a nihtia. Culeh amah leh mah, “Kum 100 a timi mipa ni tia a ngei kho thok hmen maw? Kum sawmkua a timi Sarah ni teh tia a ngei kho thok hmen maw?” tiah a ti.

Pathian ni Abraham cu, “Na nupi Sarai cu Sarai tiah na ko thok lo, a min cu Sarah a i thok.

Nan phawzim nan ṭhottia thok ih acu cu nang leh kei kan lakkarih thukam khithmuhtu a i thok.

Ka thukam zong cu hmai kum ahi cangkhuk ih Sarah ni a hrin thokmi tiapa Isaak rum ka vua thok,” tiah a ti.

Na san sung hmawh cu na inn ih hringmi sal leh na ciitlang a i lo mi khaw na tangka ih leimi ramdangmi ahupoh telin, nan lakih pami cang ni riat a kim tikah phawzim ṭhawh a i thok. Na inn ih hrinmi sal leh na tangka ih lei mi an pahnih in phawzim ṭhawh an i thok. Cuticun ka thukam cu nan tiksa sungah kumkhua thukam a i thok.