Népszerű bibliai igeversek innen: Ijɔ̍ɔn 14

Megosztás

“N tu̍ hī ogbodɔ̍dɔ̍ de ala̍. N de ogbodɔ̍dɔ̍ yī ami ɔlɔjā de ala̍. N i̍ de de ala̍ lɔkɔ nīi yɛchɛ ē de ma̍ ni̍. Ala̍ e̍e de hi̍yɛ̄ngura nīi ūkpɔ̄tū ɔha̍lɔha̍ ge̍ ti̍ya ala̍ tū ni̍. Ala̍ e̍e tūuhwi ni̍.

Iji̍sɔ̄ɔsi hīya anu̍ ɔkɔ hīka, “Ma̍ gɛ ko̍ō! Ami re̍ka ɔpɔ̄pū ɔla̍ā a̍nɛ. Ami - olēchi̍ lēchi̍ a̍nɛ, ami chī gba̍a - ɔhɔ̄leyī a̍nɛ. Ɔ̄chɔ̄chɛ i̍ ē ga ɛbɛ yī Ɔwɔ A̍dā mɛ ni̍, ɔ̍chi̍kpa̍kpa̍ ɔlɔjā ga la abɔ̄ yī u.

Iji̍sɔ̄ɔsi koko̍o de wa̍ bɛ̍ɛ̄nɛ̄ hīka, “Ala̍ e̍e hi̍yɛ̄ngura nīi ūkpɔ̄tū ge̍ ti̍ya ala̍ tū ni̍. Ala̍ ā de ɔtū che Ɔwɔ nīi ala̍ ge̍ de ɔtū che u i̍ngi̍ngɔ̍ɔ.

Ɔtwɔ̄bɔ̄ nīi re̍ka Uhu Ɔnɛ̄ɛhɛhi yī Ɔwɔ nīi Ɔwɔ A̍dā ge̍ē de ē bū la riyī yī u ma̍ ge̍ē ngū ala̍ ɔjāha̍-ɔjāha̍ wa̍a̍. Anu̍ ge̍ē ya̍ nīi ala̍ ē bla lɛlā wa̍a̍ nīi n ka de ala̍ ma̍ a̍nɛ.

“Ɔ̄chɛ nīi ge̍ nāa lɛlā yī u nīi n ka ma̍, gba̍a ya̍ lɔkɔ nīi n ka ma̍, ɔlɔjā re̍ka ɔ̄chɛ ɔyɔ̍ɔhɔtū yī u a̍nɛ. A̍dā yī u chī ge̍ē yɔ̍ɔhɔtū yī ɔ̄chɛ ɔlɔjā. Ami titi ge̍ē yɔ̍ɔhɔtū yī ɔlɔjā gba̍a ē de iyī u ē chabɔ̄ hu̍ ɔ̄.”

N ge̍ē ka ē de Ɔwɔ A̍dā nīi o̍ ē de Ɔtwɔ̄bɔ̄ tɛ̄rɔ̄ hu ala̍. O̍ ge̍ē wā ge̍ē hɔ̄ ba̍la ala̍ kpɛɛ ē ku yɛ̄grāa ɔha̍lɔha̍. Anu̍ re̍ka Uhu yī Ɔwɔ nīi bī lɛlā olēchi̍ lēchi̍ a̍nɛ. Alyɛchɛ nūma̍ ma̍ i̍ ge̍ē nāa lɛlā yī nū mɛ ni̍. Wu̍chē oji̍ nɛ, e̍ i̍ ge̍ē ma̍ ɔ̄ kɛ̄ɛ ē je̍ ɔ̄ mɛ ni̍. Ala̍ ma̍ ge̍ē je̍ ɔ̄, wu̍chē oji̍ nɛ, o̍ ge̍ē hɔ̄ ba̍la ala̍ gba̍a ē tū la ala̍.

N ge̍ē ya̍ ɔjāmɔjā nīi ala̍ ge̍ē chikpo̍ bū la riyī yī u ma̍, hɛ̄ɛbɛ nīi rīgā yī Ɔwɔ A̍dā hi̍yɛchɛ ē bū la abɔ̄ yī ami Ɔyi̍ yī Ɔwɔ. Ɔjāha̍-ɔjāha̍ nīi ala̍ ge̍ chikpo̍ la abɔ̄ yī u, n ge̍ē ya̍ ē de ala̍.

“Ɔ̄chɛ nīi ge̍ yɔ̍ɔhɔtū yī u, o̍ ge̍ē yɛ̍ɛ̄lā nīi n ka ma̍.

Ipu̍nu̍ lyɛ̄mɛ̄mɛ̄ abɔ̍ɔ la wɔlɛ̍ yī A̍dā yī u. N yɛ gāa ge̍ē gbla̍a ɛbɛ ɔha̍ ē lā de ala̍. O̍ i̍ ge̍ lɛ i̍ngɔ̍ɔ ni̍ nɛ, n i̍ ge̍ koko̍o de ala̍ ni̍.

N ge̍ gāa ge̍ de ɛbɛ ɔha̍ gbla̍a lā de ala̍ mɛ̍, n ge̍ē ku̍chē wā ge̍ē bī ala̍ ē pīya ē dikpo̍ ē ba̍ iyī u, hɛ̄ɛbɛ nīi ala̍ ē wā ge̍ē hɔ̄ la ɛbɛ nīi n hɔ̄ ma̍.

Itɔ̍mɔ̄ɔsi da ɔ̍ hīka, “Ādā be̍e! Alɔ i̍ chī je̍ ɛbɛ nīi a pīya yɛ gāa ni̍ ma̍, kana̍ nīi alɔ ge̍ē je̍ ɔpɔ̄pū yī abɔ̍ɔ ma̍?”