Népszerű bibliai igeversek innen: Enkiterunoto 1

Megosztás

Nejo Enkai; “Emaitobira tung'ani te nkitanyaanyukoto ang onyaanyukie iyiook, nikincho ninche meitoria isinkir le naiposha, o motonyi oloing'ang'e, o nkishu o enkop pooki o pooki toki naiserpepiari te nkop.” Metaa eitayio Enkai oltung'ani te nkitanyaanyukoto enye makewan. Te nkitanyaanyukoto Enkai eitayio ninye ninche, olee o eng'oruoi.

Nemayian Enkai ninche, nejoki “Entoisho, entoponari, emputa enkop nintorere. Entoria sii isinkir le naiposha o motonyi o loing'ang'e, o pooki toki ake ninye naishu naiseuseu te nkop.”

Ore apa te nkiterunoto, neitaa Enkai keper o enkop.

Ore apa enkop nemeeta shoto, nemetii toki naa enaimin natii oriong o enguton. Ore Enkiyang'et e Nkai nelo tioriong inkariak.

Nejo Enkai; inchoo metijing'a ewang'an, nejing ewang'an.

Nedol Enkai pooki toki naitobirua ajo aisidai katukul. Neaku teipa neaku tadekenya enkolong e ile.

Nedol Enkai ajo aisidai ewang'an. Nerishu Enkai ewang'an aitung'uaa enaimin.

Nejo Enkai; “Ng'ura ajo aaishoo iyie pooki aitubului naiu ilanterera natii oriong enkop, o pooki shani oata ilng'anayio ilanterera intaa endaa.

Neipot Enkai ewang'an ajo endama, neipot enaimin ajo enkewarie. Neaku keetae enteipa o entadekenya enkolong e dukuya.

Nejo Enkai; “Inchoo metaa ketii oloing'ang'e erishata oo nkariak, naa inchoo metirisha inkariak o nkariak.”

O pooki ng'ues e nkop o pooki motonyi o loing'ang'e o pooki toki naiserpepiari te nkop o pooki toki naata enkiyang'et e nkishui, aaishoo enkaitubului pooki nanyori peyie intaa endaa.” Neaku neijia.

Nejo Enkai “Inchoo metaa keetae ewang'an to loing'ang'e le keper peyie erishu endama te nkewarie, neaku sii ilooitodolu ilmonek too nkatitin oo nkolong'i o larin.

Nejo Enkai: “Inchoo enkop metoiu inkaitubulu, inkaitubulu naaiu ilanterera, neiu ilkeek loo lng'anayio ilanterera too mpukunot enye te nkop.” Neaku neijia.

Neitayu Enkai oloing'ang'e nerish inkariak natii abori oloing'ang'e o nkariak naatii shumata oloing'ang'e, neaku neijia.

Neiu enkop inkaitubulu enyena, o nkaitubulu naaiu ilanterera te risioroto oo mpukunot enye, o lkeek ooiu ilng'anayio too lanterera lenye anaa empukunoto enye. Nedol Enkai ajo ai sidai.

Neitayu Enkai ilkilang'ilang'eta aare sapuki, ore ina wang'an sapuk neitore endama, ore ewang'an kiti neitore enkewarie. Neitayu sii ilakir.

Nejo Enkai: “Inchoo inkariak naatii abori e keper eiturrurrokino pooki nebo, naa inchoo enkop natoyio eibalayu.” Neaku neijia. Neipot Enkai enkop natoyio ajo Enkop, ore inkariak naaiturrurro tenebo neipot ajo inaaiposha. Nedol Enkai ajo aisidai.

Nemayian Enkai ninche ajo, “Entoisho niponariri aaiput inkariak oo naaiposha, naa nchoo sii imotonyi o loing'ang'e metubula te nkop.”

Nejo Enkai, “Inchoo enkop meitayu ing'uesi naaishu te risioroto oo mpukunot enye; inkishu o ng'uesi naaiserpepiari te nkop o ng'uesi e nkop te risioroto oo mpukunot enye.” Neaku neijia.

Nejo Enkai, “Inchoo metijing'a inkariak ntokitin naaishu, inchoo sii imotonyi meshomo to loing'ang'e le keper aaing'at enkop.”

Neitayu Enkai ing'uesi e nkop te risioroto oo mpukunot enye o nkishu te risioroto oo mpukunot enye, o pooki toki naiserpepiari te nkop te risioroto empukunoto enye. Nedol Enkai ajo aisidai.