Népszerű bibliai igeversek innen: MATIYO 6

Megosztás

Aw kɔni ka jija Alako la fɔlɔ, ani k'a sago kɛ. N'o kɛra, Ala bɛna fɛɛn tɔw bɛɛ d'aw ma.

Aw kana jɔɔrɔ aw ka sini makoya koow la, bari aw ka sini makoya koow bɛna nyanabɔ sini. Loon o loon n'a kunko lo.

“O le y'a to ne b'a fɔ aw ye ko aw kana jɔɔrɔ aw baloko la k'a fɔ ko aw bɛna mun dumu ka mun min? Aw kana jɔɔrɔ aw fɛɛrɛbɔko la fana k'a fɔ ko aw bɛna mun fani don? Aw nii koo man fisa ni dumuni koo ye wa? Farisogo koo man fisa ni fani koo ye wa?

E kɔni, n'i b'a fɛ ka Ala dali tuma min na, i ka don i ka soo kɔnɔ ka daa tugu. I Faa Ala min b'o yɔrɔdogonin na, i k'ale dali yen. I Faa Ala min bɛ kodogoninw ye, ale bɛna i sara.

“Aw ka kan ka Ala dali cogo min na, o filɛ: ‘An Faa min bɛ sankolo la, i tɔgɔ ka bonya. I ka kɛ an ka masa ye tuma bɛɛ. I sago ka kɛ dugukolo kan i n'a fɔ a bɛ kɛ sankolo la cogo min na.

An ka bii dumuni di an ma.

E ka yafa an ma i n'a fɔ an fana bɛ yafa an hakɛ tabagaw ma cogo min na.

I kan'a to Sutana ka se an kɔrɔ, an tanga kojugu ma. Bari masaya ni sebagaya ani nɔɔrɔ y'i ta ye waati bɛɛ. Amiina.’

“N'aw bɛ yafa aw hakɛ tabagaw ma, aw Faa min bɛ sankolo la, ale fana bɛna yafa aw ma.

Aw ka kɔnɔw filɛ, u tɛ danni kɛ, u tɛ suman tigɛ. U tɛ suman don bondo kɔnɔ. Nga aw Faa min bɛ sankolo la, ale b'u balo. Aw man fisa ni kɔnɔw ye kosɛbɛ wa?

“Aw kana nafolo caaman lajɛn aw yɛrɛw ye dinyɛ nin kɔnɔ, bari bagabaga ni tumuw bɛ cɛnni kɛ, soonw fana bɛ daaw kari ka don ka fɛɛnw cɛ. Nga, aw ye nafolo caaman lajɛn aw yɛrɛw ye sankolo la. O yɔrɔ la, bagabaga ni tumuw tɛ se ka cɛnni kɛ yen, soonw fana tɛ se ka daa kari ka don. I ka nafolo bɛ yɔrɔ min na, i ka miiriya bɛ t'o yɔrɔ la fana.

“Mɔgɔ si tɛ se ka baara kɛ kuntigi fila ye, bari a bɛna kelen kɔniya ka kelen kanu, walima a bɛna nɔrɔ kelen na k'a mako bɔ kelen na. O cogo la, aw tɛ se k'aw jigi la nafolo kan, ka baara kɛ Ala ye fana.

O biin min bɛ kongo kɔnɔ bii, ni tasuma bɛn'a jɛni sini, ni Ala b'a janto o la ten, a tɛna aw fɛɛrɛ bɔ ka tɛmɛ o kan kosɛbɛ wa? Mun na aw tɛ aw jigi la Ala kan?

E kɔni, n'i bɛ fɛɛn dɔ di dɛsɛbagatɔw ma, i kan'a to mɔgɔ si ka bɔ a kala ma. I k'a kɛ dogo la. I Faa Ala min bɛ kodogoninw ye, ale bɛna i sara.

“Aw ka aw yɛrɛw kɔlɔsi. Aw kana aw ka Alasira taama kɛ tɔgɔnyini koo ye. N'o tɛ, aw Faa min bɛ sankolo la, o tɛna tɔnɔ d'aw ma.

“N'aw bɛ suun na tuma min na, aw kana aw nyaa kumu i n'a fɔ tɔgɔnyinilaw b'a kɛ cogo min na. Olu b'u nyaa kumu janko mɔgɔw k'a lɔn k'u bɛ suun na. Tinyɛ na, ne b'a fɔ aw ye k'u y'u ka tɔnɔ sɔrɔ ka ban. E kɔni, n'i bɛ suun na tuma min na, i k'i nyaa ko k'i kunsigi lalaga, janko mɔgɔw kan'a lɔn ko i bɛ suun na fɔɔ i Faa Ala min bɛ yɔrɔdogonin na. I Faa Ala min bɛ kodogoninw ye, o bɛna i sara.