Népszerű bibliai igeversek innen: ZAN 15

Megosztás

Ne ye ɛrɛzɛnsun ye, aw kɛra a bolow ye. Ni mɔgɔ min tora ne fɛ, ni ne fana kɛra a tigi fɛ, o tigi nin bɛna se ka baara caaman kɛ Ala ye, bari ni ne sababu tɛ, aw tɛ se ka foyi kɛ aw yɛrɛ ma.

Aw ye to ni ne ye i n'a fɔ ne bɛ n'aw ye cogo min na. Yiribolo tɛ se ka tigɛ ka to a kelen na ka se ka deen kɛ cogo min na a yɛrɛ ma, o cogo kelen na fana, n'aw ma to ne fɛ aw tɛ se ka foyi kɛ.

Ni aw tora ne fɛ, ani ne ka kuma ka to aw kɔnɔ, aw bɛ fɛɛn min fɛ, aw k'o dali aw bɛna o sɔrɔ.

A ma kɛ ko aw le ye ne woloma dɛ, ne le ye aw woloma k'aw bila janko aw ka taa ka baara caaman kɛ, ani o baara nafa ka to, janko aw mana fɛɛn o fɛɛn dali n Faa fɛ ne tɔgɔ la, a k'o di aw ma.

K'i yɛrɛ nii di i teriw kɔsɔn, kanuya wɛrɛ tɛ yen min ka fisa n'o ye.

Bolo minw bɛɛ bɛ yen, n'u tɛ deen kɛ, a bɛna olu tigɛ k'o bɔ yen, ani ne bolo o bolo min bɛ deen kɛ a bɛna olu gɛrɛfɛ bolo misɛmanw bɔ, janko a ka se ka deen caaman kɛ ka tɛmɛ fɔlɔ kan.

“Ne ka cii ye nin ye, aw ka nyɔgɔn kanu i n'a fɔ ne ye aw kanu cogo min na.

Ni aw ye baara caaman kɛ, o le b'a to n Faa bɛ bonya sɔrɔ, ani aw fana bɛ kɛ ne ka kalandenw ye.

A y'a fɔ tugu ko: “Ne le ye ɛrɛzɛnsunsɛbɛ ye, n Faa le y'a tigi ye.

Ni mɔgɔ min ma sɔn ka to ne fɛ, o tigi kɛra i n'a fɔ yiribolotigɛnin, u b'a fili kɛnɛma a bɛ ja, u b'a ta k'a bila tasuma na a bɛ jɛni.

“Ne y'o koo nunu fɔ aw ye janko aw ka nisɔndiya sɔrɔ ne fɛ, ani aw ka nisɔndiya kosɛbɛ.

Ni aw bɛ ne ka ciiw labato, aw fana bɛ to ne ka kanuya la, i n'a fɔ ne bɛ n Faa ka ciiw labato cogo min na ka to a ka kanuya la.

Ne bɛ min nyini aw fɛ o ye nin ye: aw ka nyɔgɔn kanu.

N'aw tun kɛra dinyɛ ta ye, dinyɛ mɔgɔw tun bɛna aw kanu, nga aw ma kɛ dinyɛ ta ye. Ne le ye aw woloma ka bɔ dinyɛ mɔgɔw la, o la dinyɛ mɔgɔw b'aw kɔniya.