Népszerű bibliai igeversek innen: Matayo 7

Megosztás

“Firiiriimé', nee kuungá' tundu qáy, leelehhiitaak nee kuungá' a sleerá', ateetimé' afér maráy wa ale, nee piindo ka duux.

Asma umuúqo heé firiiriím, ku qáy, nee kudá' leelehhiít, ga sláy, nee kudá' afkuú doó wa ateetiím, piindo ka duux.

“Umuúqo heé axweesanay'eé' kwí gwa axaas nee gway tleéhh, a slaqás nee heé fuqurángw koóm, oo do'ós gwa tleehh gawaá daanduú tlaa/a.

“Gawaá adoorihe umuúqo gaaro ar kuungá' ta sla'a' muu ni kuungí tleehhi, kuungá' adoodá' tleehhaak sleeme dir'ine. Asma hara'ayár Musa nee gooír aaruuse adoorí gan kát.”

Ala afkuú iiraákw nee loohír iiraakw an tidár baraá slafíngw kaw. Nee múk loohidá' ga ár ku niiná.”

“Daraahé' ar waarahhamuú afkuú iiraákw, asma afkuú iintlaáxw nee loohír iintlaaxw an tidár baraá qwanoó kaw. Nee múk loohidá' ga óh ku úr.

Ala kuungaásingá' tlakw muruú hhó' u xuá' kuwa na/'iihúng i hanmisa'. Xáy, Baabuúhúng oo gawaá doorí dirií' i ak waaraáhhiíke muruú hhó' nguwa haniisi dír kudá' inós ngu firiiriimá'.

“Muu mu sakwasleemuutara' as kuungá' mutunduwa sakwaaleemuút. Asma sakwasleemadá' kuungá' muu kura sakwasleemuté', kingi kuungár sakwasleemuut. Harqoomaydá' ta qoomeemesa', kungu kuungár qoomeemees sleeme.

“Nee heé axweesanay'eé' kwí gwa axaas, ala gway tleehhiiká, a slaqás nee heé daktani, oo do'ós gwa tleehh gawaá daanduú hhasaangw.

Kuúng mas suwito'ór baraá iltá heewók an ga/eér, ala waaqaasír baraá iltók a tsatsahhaandaaká? Laqaá adór heewók kur beer, ‘Xáda, suwito'oosír baraá iltók án ngi hingeés’, bar waaqaasi i baraá iltók i dirí'.

“Ti harmagahhe' nee mukdá' káh, ‘Atén a aaruuse,’ ala a loeeká, kudá' tlabaá bee/aangw nga tsiitiye', ala laatí baraaine a tawerú xaraásl. Mukwí uqo tsahhá' ar muruudá' taa tleehhi. Xáy, muu sabiíbu gu gawaá xaa'aá laqayaá wa búi?

Gawaá adoorihe umuúqo xa'anoó hhoó' na/'aá hho' gin laqwaal. Nee xa'anoó tlaákw na/'aá tlakw gin laqwaal.

Xa'anoó hhoó' na/'aá tlakw gi laqwaaliiká. Slám xa'anoó tlaákw na/'aá hho' gi laqwaaliiká.

Umuú xa'anoó na/'aá hhó' laqwaliimaaká, kun tsaat, kway kwaahh baraá asltí ale.