Népszerű bibliai igeversek innen: Luki 6

Megosztás

Yaa kaangi, pe a wɔ́ɔ ra yele kaangi, pe a ba yalegi nyìn, si gi serige, si gi cúngo cúngo, si gi nyaana nyaana, fwɔɔ ki wo, si gi le yele ma cófaabèle ni. Níì cán yalegee ni yele yáriri kíri ni kaangi syɛ́ɛnbèle ma lè, gee bee félege ni yele wóri a ba kíri bi kaan yele ma.»

Syɛɛncaɔn i yacanri yirigi wi lɔjanri ni, dee wi kɔn lè wi fúngi ni, syɛɛnpeeo si wɔ́ɔ i yapeeri yirigi wi lɔbeeri ni, dee wi kɔn lè wi fúngi ni. Níì cán yárigee gi syɔɔn fúngi nyìn lè, gee bee gi yirigi wi nyɔ́ɔgi ni.

Kàjáa ki n yɛlɛ ye tàmaga le ní yele nigoobèle ní, yáā kacàngēle kpéʔele, yáā fwɔ́ɔgèle nii, ye si a kɔ́ yele sɔ̀ngumi taʔa ge sìndɛɛgi taala na í. Níì cán yele a kɔ́ ba tɔ̀nɔkpɔɔɔ taa, wee wi lè Pe Myɛ Nyúngo na si pye woro jàala, níì cán woro wi nyɔɔgi sɔ̀ngumɔ-fùnvɔbèle ní syɛɛnpeebèle na.

Ki n yɛlɛ ye pye nyinidaabèlē àmɛɛ yele Tóow nyɛ lè nyinidaaɔ.»

«Ki ga yɛlɛ yele í da kútiiw kúunri syɔɔn na í, jàngó Kolocɔlɔɔ a wɔ́ɔ kɔ́ kútiiw kúun yele na í, ki ga wɔ́ɔ̀ yɛlɛ yele í da kolomɔ kaangi syɔɔn ma í, jàngó Kolocɔlɔɔ a wɔ́ɔ kɔ́ kolomɔ kaan yele ma í, yaa syɛ́ɛnbèle kùsulugo syoo, koro ga pye Kolocɔlɔɔ a wɔ́ɔ ra yele kùsulugi syoo.

«Kàjáa yele bele ye lúro mii ma lè, mii a gi joo yele ma: Ye tàmaga le ní yele nigoobèle ní, yáā kacǎngèle kpéʔele bele na bele yele kéeli bɛɛn lè. Bele be yele dángi lè, yaa dùba kpéʔele be ma, bele be yele wɔʔɔ lè, yaa Kolocɔlɔɔ nyɛ́ɛri be kéeli na.

Gee yele caa syɛ́ɛnbèle í da kpéʔele yele ma lè, ye wɔ́ɔ yaa gee bee félege kpéʔele be ma.

Wàa ga mɔ kpúmɔn bɛ̀ɛ́ngee na, mi ní mi wozangi fíige wi ma. Wàa ga mɔ burogbɔɔgi nɛnɛ n syɔɔ mɔ ma, mɔ a kɔ́ cée wobili na wi ma í. Syɔ́ɔnwee wi ga mɔ nyɛ́ɛri lè, mi wi kaan, wàa ga wɔ́ɔ̀ mɔ kɔ́lɔ yarigaa nɛnɛ n syɔɔ mɔ ma, mɔ a ní kɔ́ ra gi caa wi ma í.

«Tiicangaa faala o yasanbeere sangi í, tiipeʔe si wɔ́ɔ o yasanjanra sangi í.

Níì cán pe i tiige o tiige cángi gi tiimaa yasanri báriga ni. Pe o děsyanʔa coo wúuro tíige ni í, pe wɔ́ɔ o ɛrɛzɛn coo wúufiitiige ni í.