Népszerű bibliai igeversek innen: Zyan 14

Megosztás

Mii a fûnnyingi kaan yele ma, mii tiimaa fûnnyingi si mii a kaan yele ma. Mii si a gi kaan yele ma dulunyanw syɛ̀ɛnnɛ wóʔo kaanganma na í. Ki ga yɛlɛ yele í yele fúnyi yaʔa yaa curugu yele na í, ki ga wɔ́ɔ̀ yɛlɛ yele í da fɛ̀ɛgí í.

A Zyezu wi yari: «Jo mii si wi nyɛ kólogi, ní kányɛɛgi, ní sìíw. Syɔɔn faala a gbǎn nan Tofɔw na mii kàdoʔo ma í.»

«Ki ga yɛlɛ yele í yele fúnyi yaʔa yaa curugu yele na í. Ki n yɛlɛ ye tága Kolocɔlɔɔ na yé wɔ́ɔ tága mii na.

Dɛ̀ɛmɛfɔw Tofɔw a tun naa yele ma mii mɛ́ɛgi na lè, woro wi a ba yele tama kérigèle myɛ na si wɔ́ɔ yele kaan yele í da sɔ̀ngí da taagi kérigèle myɛ na mii da ni nyuu yele ma lè, dɛ̀ɛmɛfɔw bee wi nyɛ Pìicǎnni.

Wee wi mii tundunri cán lè kányɛʔɛ ni, ní i di kɔngi ní i di kpéʔele, wee bee wi tàmaga le ní mii ní. Wee si wi tàmaga le ní mii ní lè, mii Tóow a wɔ́ɔ tàmaga le ní wee bee ní, mii si wɔ́ɔ tàmaga le ní wi ní, si niyɛɛ dɛ̀ɛn wi na.»

Mii si a sa Tofɔw nyɛ́ɛri wi dɛ̀ɛmɛfɔwaa nikwɔɔ kaan yele ma, wee wi a ba pye ní yele ní lè làla o làla. Dɛ̀ɛmɛfɔw bee wi nyɛ kányɛɛgi Pìle, lee li lè dulunyanw syɛ̀ɛnnɛ a gbǎn li taa í, níì cán pe o li nyaagi í, pe si ga wɔ́ɔ̀ li cán í. Yele si na, yele n li cán, níì cán li i nyɛ ní yele ní, li si a ba pye yele fúnyi ni.

Yele si ga yárigee faala nyɛ́ɛri wi ma lè mii mɛ́ɛgi na, mii a gi kpéʔele yele ma, koro ga pye nìjangbɔɔrɔ í da taari Tofɔw na Jaafɔw báriga ni. Yele ga yariga o yariga nyɛ́ɛri mii ma mii mɛ́ɛgi na, mii a gi kpéʔele yele ma.

«Yele ga tàmaga le ní mii ní, yele a ra mii tundunri kɔngi sáā di kpéʔele.

Tɛɛkòroyo saʔa i yaà mii Tóow kpaʔa ni. Kapye ki da pye nya í, mii mǎà dée gi fílige joo yele ma. Mii si a kári sa kàa sámaga yele ma.

Mii ga kári n sáà gi sámaga yele ma, mii a lúru pan ba yele láa kári yele í sa pye ní mii ní, koro ga pye tɛ́ɛgee ni mii nyɛ lè, yele í wɔ́ɔ sa pye nɛɛ bee.

A Toma wi pye: «Kàfɔw, tɛ́ɛgee ni mɔ syée lè, wolo ga gi cán í. Mɛ̀ɛ́ si wolo a gbǎn pye si gi kólogi cán?»