Népszerű bibliai igeversek innen: Sélimɛ 49

Megosztás

Fǎngi kàgbeele a tée yiri Zyuda narigi ni í. Kùndigiri sàbinnɛ a wɔ́ɔ yiri wi tɔ́lɔyi lariga ni í. Fwɔɔ bi taa li Kàfɔw í pan. Woro wee má syɛɛnfeleyi a ba yiyɛɛ gaan lè.

Zyozɛfu i nyɛ tiisanga káganfolovɔngɔ, tiisanga káganfolovɔngɔ, gee gi nyɛ lè pùnweele nyɔ́ɔ na, káganyi n yìri gungo ǹjoʔo ni. Sedeyi fɔ̀ɔlɔ n wi ŋɔ́n, pe n wi ŋɔɔn. Pe n pye wi kàsiitun-nyɛ̀nnɛ.

Kàjáa wi sedegi n sèʔê kòro ki kanlɛɛmi na. Fǎngee gi pye wi kɔ́yi ni lè, gee bee n taa Zyakɔbi Séekpɔɔw Fɔ́lɔ kɔ́yɔ báriga ni. Kánmi bee na wi baa pye bànaʔaw, wi lè Isirayɛli fálagi. Mɔ tóow Kolocɔlɔɔ bárigaw ni, woro wee wi nyɛ lè mɔ dɛɛmɛfɔw, Séew Myɛ Kàfɔlɔ báriga ni, woro wee wi a dùbaw taʔa mɔ na lè dùbawee wi yìrigí lè nyɛ̀ʔɛni ma, ní dùbawee wi yirigi lè weekpɔɔ-cùrugi ni, yíregèle na be ŋɔri lè koro dùbaw, ní nafɔlɔ láagi dùba.

Zyuda, mɔ mɔ senyɛnbèle a ba ra kpɔ́ʔɔgi. Mɔ a ba mɔ kɔ́gi taʔa mɔ nigoobèle kànyáabéle na. Mɔ senyɛnbèle a ba ra tíri da tuun bàā be yɛ́ɛyi cíbele mɔ taana. Zyuda i nyɛ càarabɔ-yɛlɛɔ. Dóō, mɔ n yìri kpóoli tɛ́ʔɛ ma n lúru ni maa. Wi n yégunri cáan, wi n tìgi n sínɛ àmɛɛ càarabɔlɔ nyɛ lè, ní àmɛɛ càarajaa nyɛ lè. Wìí syɔ́ɔn wi a wi yìrige?

Wurubɛn, mɔ wi nyɛ lè mii pìilɛɛw, mii bárigaw ní mii fǎngi yaselige gi nyɛ mɔ. Mɔ n sɔ̀lɔ pe myɛ na kpɔ́ɔmi kàbaan na, n wɔ́ɔ̀ sɔ̀lɔ be na séew kàbaan na. Mɔ i nyɛ àmɛɛ lɔ̀ʔɔ nyɛ lè, gee gi tugu ni yìrigí lè, mɔ a gbǎn yɛʔɛmaw taa í. Níì cán mɔ n lúgu mɔ tóow yasinɛgɛ na. Mɔ n tɔ̀nɔ n mii yasinɛgi nɔ́nʔɔ àmɛɛ mɔ lúgu gi na lè.