Népszerű bibliai igeversek innen: Yaaya 15

Megosztás

«Naa ay ettu ka seene, kunta pa ay linƴaƴƴi. Gaa gimu nowotta kappenta oko naa, o naa nowotta kappenta oko gata, ga gata kaaka weewa miici ku daana maani, asan ga bala naata ku gederra ɗa ku weeɗo miica ya kaƴi.

Nuntoŋ kappenta oko naata, aleŋ tanni maa na nowoɗɗe kappenta ma kunta. Linƴe gederra ɗa gi weeɗo miici kayti ka gii kappenta ɗa durŋulli. A kuŋ kulla gederra ɗa ku weeɗo miici kaytoŋ ka, kuu nowotte ɗa kappenta oko naa.

Kuu nowotte kappenta oko naata, o beneyyiŋgeetaw ku nowottikiko, ku innoŋga maa ku aŋka, kuu gassiyya.

Ay kunta ɗa ma apirnoo, ay naata ma apirtoŋ, naa birittoŋ lubbi ku maa ku kaatiɗo ku deeɗo wee miici o gu miici ma domokka. Goŋŋa, ga maa ku enaa min oko Mella Baaba ma semeetaw, ga beraatoŋga.

A ƴekko ta yaata ƴiila pa maa ga gimu garaayo oko giimo, ay birawtí hayaatanti oko lanjigeetee.

Linƴaƴƴitaw paracco ma waa ɗa ga daɗakkay maaƴi, ma weewa soopa ga panakkay, guu deeɗo samaane gu weeɗo payya maani ƴiila.

«Ƴekkoŋ zeneetoŋ aleŋ maa na ƴekkittoŋ. Ay teete appe ay hukumne maa na beraatoŋ.

Kuu weewa aɗe goŋŋa miici maani ku on̰aa Tattu o ku deewa jobookeetaw ku seene.

Gaa Iisa beneyyiyyoo payya oko jobookeetee gaa: «Naa ay ettu ka tirta ma weewa miici ku daana aymiti, o Tattu pa ay milti itti.

Gaa gimu nowotte ɗa kappenta oko naa, gu owokka maaƴi renta aleŋ linƴaƴƴi maa gu soƴaa renta gu aaƴiɗo. Guu aaƴe pa, gu sokokkay, guu kalliɗiy okkati gu aggiɗo.

Naa pa beneyyitoŋga keeke ku maa gi parhantu deeɗo ma kunta, kuu deeɗo saa pe parhinenta ta kaw.

Kuu jobokkiy hukumnigeetaw, ku nowotta kappenta oko ƴekkitu, aleŋ tanni maa na joboɗɗiy hukumnigeetee Tattu, naa alɗo kappenta oko ƴekkiti.

Ƴekkoŋ beenannitoŋ. Ay teete appe ay hukumne maa na beraatoŋ.»

Kuu alɗo giimi ku dunuune teete, gu ƴekekkatoŋ aɗe asan ku deewa kunco. A maa ga naa soopa apirittoŋ min aacco, na jagitoŋ min oko guta, ku ay kunco ɗa payya. Ay ɗakko appe gu ɗakaɗɗitoŋ.