Népszerű bibliai igeversek innen: Génesis 13

Megosztás

Cafä nija ma cui, afä bä nia lä nodiblou wei bä nija ma cui, ya tä ulifi nia lä jöböaö wei, wa tä ulifi bluca dablabä, ö̦jö lä. Wama tä nofi ulifi tabou shi wa̦libä.

Lodo a lä cuinö, Ablamö a daa waiquiquefälöno wei ja, Jeobaanö a yömölaö juoma. —Mijamö culanö, tä ulifi möablalaö da cuaa. Motoca a lä juimaö wei jamö ma cui, tä mö lä weyaö wei jamö ma cui, motoca a faö lä mlai jamö ma cui, tä mö weyaö mö feduo lä mlai jamö ma cui, tä möö da cuaa.

Coshi coshi bä lä̦cashi bluca lä culenaja, afä ijilufä ya bä nodiwä bluca tablamaö wä. Coshi coshi bä nö wabamou doblobimi lä culenaja, inaja showawä, ijilufä bä nodiwä lä cui, bä nia wabamou dobloimi cuo mö feduo.

Ö̦jö tä a̦ fa ji̦lilänö, abinaja Ablamö a cuma, Lodo nija. —¡Ushu, U̦asi! Inaja mlai. Moli bäfäcö mashi waiquiwä malä cui. Inaja bäfäcö nowa tayobä bäfäcö malä mlai. Iba yalo bä lä lulubou wejei bä sho, afä bä ca̦i lulubou mö lä feduo wejei bä sho, bäfä bä shäyomaö dicoobä mlai.

Inaja Jeobaanö Ablamö a nowa fa tanö, a shu̦lucou showadaoma. A jocäa fa co̦lunö, Eblono jamö a waloquema, Mamle efibä bada lä ublajaono wei jamö. Ö̦jamö a bälöa fa yanöcöicunö, Jeobaa nija bä yalo lä dodoblamou wei bä maqueblamobä etäcö i̦taquema.

Ö̦jö däjä, Lodonö tä ulifi möö fa cuaanö, Jodana u sibo lä cui, tä yalöwä dodijidawä dalalema. Tä ulifi jäläläoma yalo, Jeobaa etäca liyäo lä cuono weinaja, inaja showawä tä mömou cuoma. Ejidoteli bä ulifibö ca̦i liyäo lä cuono weinaja, inaja showawä tä cuo mö feduoma. Soalateli bä bälöo ma blajaono wei ma cui, ö̦jamö tä liyäjäwä fe wädöblamoma. Jeobaanö Sodomateli bä ulifibö wa̦liaö showaono mlai ja, Comolateli bä ulifibö ca̦i wa̦liaö showaono mlai ja, ö̦jö tä ulifi liyäjäwä jödödöoma.