Népszerű bibliai igeversek innen: मत्ती 5

Megosztás

मणू दीया बाली करी टोकरी रे हेठ नी रखदा पर दीवट पर रखदा तां से पूरे घरे रे लोक्कां जो लौ दिंदा। इय्यां ही तुसा री लौ मणूआं रे सामणे चमकणा चाएदी कि से तुसा रे भले कम्मां जो दिख्खी करी तुसा रे प्यो री, जे स्वर्ग अन्दर हिन, बड़ाई करण।”

तुसा दुनिया रे लोक्कां तांइ इक्क लौ सांई हिन, इक्क इदेया सहर जे पहाड़ पर बस्से रा है, जे लूकाया नी जाई सकदा।

धन्न हिन से, जिन्हेरे मन सुच्चे हिन, किजोकी तिन्हा ने परमेश्वर जो दिखणा।

धन्न हिन से, जे धार्मिकता रे भूख्खे अते प्यासे हिन, किजोकी परमेश्वर ने तिन्हा जो रजाणा।

पर मैं तुसा जो बोलदा, अपणे दुश्मणा कने प्यार करो अते जे तुसा जो तंग करदे, तिन्हा तांइ प्रार्थना करो।

“धन्न हिन से, जे जाणदे कि तिन्हा जो परमेश्वर री जरुरत है, किजोकी स्वर्ग रा राज तिन्हेरा ही है।

धन्न हिन से, जे मेल करांदे हिन, किजोकी तिन्हा जो परमेश्वर रे बच्चे बोल्लेया जाणा।

धन्न हिन से, जे मात्तम करदे हिन, किजोकी परमेश्वर ने तिन्हा जो सांती दैणी।

धन्न हिन से, जिन्हा जो धार्मिकता री जिन्दगी जीणे री वजह कने तंग कित्तेया जांदा, किजोकी स्वर्ग रा राज तिन्हेरा ही है।”

धन्न हिन से, जे दयालू हिन, किजोकी परमेश्वर ने तिन्हा पर दया करणी।

“धन्न हिन तुसा, जां मेरे चेल्‍ले होणे री वजह कने लोक्कां ने तुसा जो बेइज्जत करणा ते तंग करणा ते झूठ बोल्ली करी तुसा रे खिलाफ हर तरह री गल्लां बोलणी, तां खुस ते मगन होई जायो, किजोकी तुसा तांइ इधेरे बदले स्वर्ग अन्दर इक्क बड्डा ईनाम है। तिन्हा ने उन्हा भविष्यद्वक्ता जो जे तुसा का पैल्ले थिये इसी तरिक्के तंग कित्तेया थिया।”

धन्न हिन से, जे निम्ते हिन, किजोकी तिन्हा ने परमेश्वर रे बणाए जाणे वाली नौई दुनिया रे उत्तराधिकारी होणा।

“तुसी दुनिया रे लोक्कां तांइ लूण सांई हिन, पर जे अगर लूण रा स्वाद ही बिगड़ी जाओ, तां फिरी तिस्स जो लूणका नी कित्तेया जाई सकदा? फिरी से कुसी भी कम्म जोग्गा नी रैहन्दा सिर्फ इधेरे कि तिसजो बाहर सूटी दित्तेया जाओ ते मणूआं रे पैरां हेठ आई जाओ।

इधेरे तांइ जरुरी ए है कि तुसा सिद्ध बणो, जिय्यां तुसा रा पिता परमेश्वर सिद्व है जे स्वर्ग बिच हिन।”

पर जे तू हाँ चाह्‍ंदा तां हाँ बोल अते नां चाह्‍ंदा तां सिर्फ नां बोल, किजोकी जे किच्‍छ भी इसका जादा हुन्दा से शैतान रे पास्से का हुन्दा।”

“तुसां ए भी जाणदे कि आज्ञा दित्ती गई थी कि, हाख्खी रे बदले हाख्खी, अते दांद्द रे बदले दांद्द। पर मैं तुसा जो बोलदा कि दुष्ट मणू रा सामणा मत करदे पर जे कोई तेरे सज्जी खाड्डी पर चांड़ मारो, तिसेरे पास्से दुई खाड्डी भी करी दे।

जे तेरी सज्जी हाख्खी पाप करणे री वजह बणदी, तां तिसजो कड्डी करी सूटी दे किजोकी तेरे तांइ ए ही खरा है कि तेरे सरीर रे अंगा बिच का इक्क अंग नास होई जाओ अते तेरा सारा सरीर नरक अन्दर नी सुट्टेया जाओ। जे तेरा सज्जा हत्थ पाप करणे री वजह बणदा, तां तिसजो कट्टी करी सूटी दे किजोकी तेरे तांइ ए ही खरा है कि तेरे अंगा बिच का इक्क नास होई जाओ ते तेरा सारा सरीर नरक अन्दर नी सुट्टेया जाओ।”