Népszerű bibliai igeversek innen: Mathiu 15

Megosztás

Kɛrɛ mȧtȧy ama wur ka kasǝŋ mǝ wur ka ȧŋmerȧ; ɔwa ame-e, mǝ mǝ nɔkɔs wuni. Ȧtesoma-e ɛnanɛ ɛlǝs-o, kǝdifǝth-o, kǝrǝp-o, rǝkeiyo, mǝseri ma rǝyem-o yi kǝfɔf Kuru ɔlǝs-e, ɛ wur ka ȧŋmerȧ.

Pǝ yi hɛ arǝka ara mǝ wɔŋ ka kasǝŋ ara mǝ nɔkɔs wuni, kɛrɛ ara mǝ wur ka kasǝŋ, rǝ mǝ nɔkɔs wuni.

Aŋfǝm aŋe aŋ yikis mi yi tasǝŋ taŋ, Kɛrɛ ɛmerȧ yaŋ ɛ bɔlȧnɛ mi. Kɛrɛ aŋ bȧtho mi gbo kǝtiŋ, aŋ thǝksa ɛmaŋ ya afǝm a kǝpet mɔ mȧthǝksȧ maŋ.

Ka Yisɔsȧŋ ɔ pa ro ŋɔŋ, Bithaŋ, kȧlanɛ ka mu kǝ bana. Ta pǝ yɔnɛ mu mɔ mǝ mǝ yema. Ka ɔwan kɔŋ ubɛra ɔ yeŋk ka ȧŋlɔkɔ ŋati gbeŋ.

Ka ɔya ɔ der ɔ sɔna kɔ tǝwu, ɔ pa, Pa, mar mi. Ka Yisɔs ɔ pa, Pǝ mar hɛ tǝ kǝgbasi kabo ka aŋfɛth tǝ kǝfitha ki ka ɛtǝn. Kɛrɛ ɔwath ubɛra ɔ pa sɔ, Tǝteŋ Pa, kɛrɛ hali ɛtǝn aŋ di atɔmp ȧte mǝ fumpɔ ro thɔf kǝwur ka aŋthebǝl ŋa aŋmarki ŋaŋ.