Népszerű bibliai igeversek innen: KĨAMBĨRĨRIA 12

Megosztás

na niĩ nĩngatũma thĩinĩ waku kuume rũrĩrĩ rũnene, na nĩngakũrathima, na ndũme rĩĩtwa rĩaku rĩgĩe igweta; nawe ũrogatuĩka mũrathimithania; na rĩrĩ, andũ arĩa marĩkũrathimaga, acio nĩndĩrĩmarathimaga; na ningĩ mũndũ ũrĩa ũngĩkũruma, ũcio nĩndĩrĩmũtũũragia na ndirũ; nayo mĩhĩrĩga yothe ya thĩ ĩkarathimwo nĩ ũndũ waku.

NA RĨRĨ, Jehova akĩĩra Aburamu atĩrĩ, Ũkĩra, ũthame bũrũri ũyũ ũtũire, uume kũrĩ andũ anyu, ũkiume nyũmba-inĩ ya thoguo, ũthiĩ ũkinye bũrũri ũrĩa ngakuonia

Nake Aburamu agĩgĩthiĩ o ta ũrĩa erirũo nĩ Jehova, ningĩ Loti agĩthiĩ nake; na Aburamu aarĩ wa mĩaka mĩrongo mũgwanja na ĩtano hĩndĩ ĩo aathamire kũu Harani.

Nake Jehova akiumĩrĩra Aburamu, akĩmwĩra atĩrĩ, Bũrũri ũyũ nĩguo ngahe mbeũ yaku; nake Aburamu akĩhandĩra Jehova ihiga rĩa kĩgongona hau, o we ũcio wamuumĩrĩire.