Népszerű bibliai igeversek innen: Génesis 9

Megosztás

<<Llapan casta ashmakunawan y llapan runakunawan pactuta ruranqäta imaypis yarpänäpämi pukutaychö turmanyuyta rikakätsimushä. Tsay turmanyuymi imaypis señal kanqa kay patsawan pactuta ruranqäta yarpänäpä.

Pukutaychö turmanyuy rikakämuptinmi yarpäshä llapan runakunawan y ashmakunawanpis pactuta ruranqäta. Tsay pactutaqa imaypis cumplishämi.

Kikï niraqtam runata kamarqü. Tsaymi pipis runa mayinta wanutsiptinqa kikintapis tsaynölla wanutsiyanqa.

Tsaypitanam Noéta y tsurinkunata bendisar Tayta Dios nirqan: <<Mirayay kay patsaman juntayanqaykiyaq.

Llapan casta ashmakuna, mikuykuna y verdürakunapis mikuyänaykipämi kaykan.

Llapan casta ashmakuna, päriqkuna, qarachaypa, lätaypa puriqkuna y lamarchö kawaqkunapis mantsayäshunkim. Tsay ashmakunaqa llapanmi qamkunapa podernikichö kanqa.

<<Qamkunapis atskaman mirayay. Tsaynölla qampita miraqkunapis kay patsaman juntayanqanyaq mirayätsun>>.