Népszerű bibliai igeversek innen: Johani 10

Megosztás

Dikhamba di tela ku ta pa ni ku ta daya ni ku ta vhandamusa basi. Ani ni tete ku ta ti ninga wutomi, ti txi mana kuhanya ka kuenela.”

“Ani ngani mudyisi wamnene. M'dyisi wamnene ngu wu a ningelako wutomi wakwe ngu mhaka ya tinvuta takwe.

Tinvuta tangu ta engisa dipswi dangu, se ani na tiziva, nitona ta ni londisa.

Ani na ti ninga wutomi wu wu si gumiko. Txima kha ti na mbi lova ni ditshiku ni da dimwedo, kambe kha ku na m'thu wu a no ti honyola manzani kwangu.

Ani ngani ni ku txike: Ngako m'thu a txi wulela ngu ngani, a na hanyiswa; a na wulela, a txi huma, eya mana lihawu.

Ani ni M'dyisi wamnene, tinvuta tangu na tiziva, nitona tinvuta tangu ta ni ziva.

Tate wangu, a nga ni ninga tona, mbwa hombe ngutu ka votshe; se kha ku na m'thu wu a sikotako kuhonyola txilo manzani ka Tata. Ani ni Tate hi mmweyo.”

Nga tiya Tate wangu a ni zivako, nanani na m'ziva Tate, se ni ningela wutomi wangu ngu mhaka ya tinvuta tangu.

Ku walo m'thu wu a ni tekelako wutomi, aniko ngani ngu kuranda kwangu ni wu ningelako. Nina ni mtamo wa ku wu ningela, kambe ni na ni mtamo wa kutshumela ni txi wu mana. Awuwa ngu wona mlayo wu ni nga ningwa ngu Tate wangu.”

Jesu a engetile e va gela kambe a txi khene “Ngu ditshuri, ngu ditshuri, na mi gela ti to ani ngani ni ku txike txa tinvuta.

Mthumeli wa male, awu i ku si nga m'dyisi, awu tinvuta ti si mu lumbiko, ngako a txi wona dixolwa di txi ta, a leka tinvuta, a txi tutuma, se dixolwa di txi honyola tinvuta, di txi ti hangalasa.

“Ngu ditshuri, ngu ditshuri, na mi gela ti to awule asi wuleliko ngu ha txikeni, txibalani ka tinvuta, kambe a wulelako ngu wumwani wukhalo, ndikhamba, didhawa njigevenga.