Népszerű bibliai igeversek innen: 1 Musa 28

Megosztás

Èngèt mo Kuurupi janah Kuondingi ngo ko, barang mikè pè ko laus, janah Kuarak nola ngo kono balik mi nagerri èn. Oda Kutadingken kono mèma saut Kubaing karina sienggo Kuperbagah bamu i.”

Nai cènder mo i gembarna JAHOWA mendokken, “Aku ngo JAHOWA Dèbata nisembah si Abraham dekket si Isak. Kuberèken mo bamu dekket bai pinemparmu tanoh bekkasmu galè èn.

Nai terèngèt mo si Jakob, nina mo, “I bekkas èn ngo keppè JAHOWA, tapi bagèndari pè asa kubettoh.”

Nai ibulabanken si Jakob mo, “Mula iurupi janah iondingi JAHOWA ngo aku i perdalanenku èn janah iberrè bangku pangaen dekket perolessen janah njuah-njuah aku balik mi bages bapa, JAHOWA mo gabè Dèbatangku. Nai kuberèken mo bai JAHOWA nipersipuluh ibas karina niberèken JAHOWA bangku. I bekkas batu pernèngèten sikupecènder èn kennah gabè bekkas mersembah bai JAHOWA.”

Ukum pinemparmu bagè buè abu i tanoh èn. Makin ipebellang kalak i mo aurna mi sikulilingna, janah merkitè ko dekket pinemparmu, Kupasu-pasu mo karina bangsa ni tanoh èn.

Igerari mo bekkas i Betel (Lus kin ngo gerarna arnia).