Népszerű bibliai igeversek innen: LUKAS 8

Megosztás

Ma amofut bi nain alekot nane, esle' atoni le sin nen a'an nane, ma napan bi sin nekan alekot oket napoitan fuan nok nek asutais.”

Le amofut anbi katila nane esle' atoni le sin nen a'an nane, ma anbi a'at nane in monin, sin hapnesok nok lasi a'unu, ma lasi amu'it, ma monit amlilat, talan te sin ka napoitan fa fuaf amnatus.

Ma amofut bi fatu nane esle' sin le nen a'an nane ma ansimo nani nok nek amlilat. Mes a'at nane kan mu'if ba'at anbi sin nekan. Sin nateb leku tuka, ma kalu su'at nem neu sin oke te sin naskotun.

Ma In nak sin nak, “Hi nek ateb knino nane es me ka?” Mes sin namtau ma namkak, fun anma'uaben es nok es nak, “In sekau kun ka, le In naplenat anin ma oe ma sin natuin In?”

Amofut bi lalan ninen nane esle' atoni anenat; nalali te nitu in nem naiti a'an nane na'ko sin nekan he nati' kais sin nekan nateb knino ma napeni honis.

Fun katit fa sa' esle' nakolo, le kan poi natonon, ma katit fa sa' esle' naninbon, le ka mahine fa bi mat-mat.

Leka bife nane in nit, nak in moet nane mahine, in na'tai ma nem anmof bi Yesus In matan ma anetun neu to amfaut, nansa es in na' Yesus ma bi leku nane amsa in naleko' kun. Ma Yesus nak neu bife nane, “Anah, ho nek ateb knino es naleko' ko, hom nao nai mok tetus.”

Asium lasi sin nem anpo' nafena In ma nak, “Am Kulu, Am Kulu, hit tamle'u!” Yesus anfen, nalali te In nabin anin ma oe apesen nane. Ma anin ma oe nane namne ma nifu nane antainine nunfin.