Népszerű bibliai igeversek innen: Génesis 13

Megosztás

Bajirigode udore barosacho a bajneque jnese jne enga jé chopome bape disi ejórigo, a ore gajnecho jnese to iji deréjna pitade."

Udojo quigade uje Lot e jno nanique enga Pangarádejnai Dupade catecã́ri jnani bajai Abram nanique. Enga chojninga: "Abram á, ajire casaque garani, ajirápo rĩ umusoi garani. Ajirápo rĩ guedé cacadi, ajirápo rĩ guedé garani.

Enga Dupade chojningápome Abram nanique rĩ: "A yipésu bape disi ejórigo ore jne enga a ore cho jnumi urui jne uje a jiépisi ore jne. Bamo uje que ayorérique déji uje chiraja jnumi péode jnese. Enga jé chopise bape disi ejórigo ore to jne jetiga ca pisecarãte ore iji erámi údode jnese to."

Enga chise diri nanique uje Abram catecã́ri Lot enga chojninga: "Cachi yoquiguiose ñane arĩ́e. Ga gajnareque ujetiga bachidode irodisórone ore, jé aja yachidode irodisórone ore rĩ ore chujé ñane. Enga gajnareque to jeta yibotáco ñane ome ore isocade udore."

Uje Abram chudute dajnéone udore Dupade urúo, enga jé u uje ore chijócãraja dagúchade enga ore chimate dagúchade enga jé u uje ore jno. Enga jé u uje ore jno, ore jno, ore jno enga ore chise ateta enga ore chicha darengúi taja. Enga ateta tuaté gajnengónique cuse uje i u Mámre, mu juéga dajné tuaté, ore ateta ome ore. Enga idógosiji ore idáidatéi Hebrón uté nanique. Enga Abram pésapo daserani iji pijogadi uté nanique rĩ jetiga catecã́ri Dupade iji to nanique.

Enga jé u uje Lot chajire erámi bajac. Enga chajire garáijnai uje tuijnai déji enga chichaga raja tié Jordán iji ta enga garai qué jnome uéchai jec aja idai ajámami uéchai te rĩ uje idai tuté i u Zoar. Enga yodi jiépisiji garai údode. Ga garai uerate. Ga ueradipise ga jé chacãra puniri Egípto ome úringai ueradipis. (Mu úringai uerate bijna ome uje Dupade cho dajuñame guidáyode Sodóma, Gomórra ore nanique. Chamáñaje Dupade guejnane guidáidatéo udore idógosiji garai tuté gu nanique.)