Népszerű bibliai igeversek innen: Kulaje 2

Megosztás

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Njê-mə-kunnje le unnje rɔde tɔyn mba kaw koo nɛ̂n-tɔju lə njê-kaw-kulaje kə ndɔ tɔyn. Daw dulaje nuju naan tə̂, daw ddaje mə-kâra ddəw muru mə-kâra tə̂ ngaâ daw dujuje Lubba.

Ndil-mə-nda ddusude tɔyn ngaâ dunnje kutu pa tar kə ndɔn-tarje dang dang kə̂ Ndil le unda tade tə̂.

A ta koo a, marə kɔru nɛ̂n-bbar darâ tokə lə tɔkə ləl kə̂ aw ula ngaâ taa mə kəy kə̂ disije tə̂ le tɔyn. Dooje marə nɛ̂n tokə lə ndɔn-puru. Ndɔn-puru le sanrɛ kâra kâra ngaâ isi dɔde tə̂ kâra kâra tɔyn. Ndil-mə-nda ddusude tɔyn ngaâ dunnje kutu pa tar kə ndɔn-tarje dang dang kə̂ Ndil le unda tade tə̂.

Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə. N̂-pitije Lubba ngaâ dəwje tɔyn oojede maji kəmde tə̂. Kə ndɔ kâra kâra tɔyn, Əbbə-dəwje aw ungu dəwje kə̂ naw najide dɔ marɛ̂ tə̂.

‹Lubba pa nan: ddutu ndɔ a, mâ sanrɛ Ndil ləm dɔ dəwje tə̂ tɔyn, ngannse kə̂ dingaw kə ngannse kə̂ dɛnɛ̂n a təlje to njê-kilaje mbər tar ləm, ngann basanje ləse a kooje nɛ̂n tokə lə nin, bbukaje ləse a ninje.

Njê-mə-kunnje, məde to kâra baa ngaâ nɛ̂nje ləde to kâra baa. N̂-labbəje ndɔɔje ləde kə nɛ̂n-kingaje ləde ngaâ n̂-kaynje naan narɛ̂ asə kəm nɛ̂n kə̂ du dəw kâra kâra.

Yeenn a, dəw njaa kə̂ bbar Əbbə-dəwje a, a kinga kaji.›

Kar a tuka ndul, nɛyn a kasɛ tokə məsə, kete bba karə ndɔ lə Əbbə-dəwje kə̂ to tɔkə ndɔ ddəm ndɔ kə̂ maji ddəm ddee.