Népszerű bibliai igeversek innen: मत्ती 6

Megosztás

इस खातर तुहें परमेशरा रे राज्जा कने सच्चाईया ने जीणे जो तियां जे परमेशर चाँह सब्बीं ते पैहला दर्जा देआ, तां ये सारी चिज़ां तुहांजो मिली जाणियां।

इस खातर कल की चिन्ता मता करदे, काँह्भई कल की त अहां रियां होर चिन्ता हुणियां; आज्ज के दिना खातर अजकी परेशानियां इ बौहत इयां।”

इस खातर हऊँ तुहांजो बोलां, भई अपणे जीवना रे खातर ये फिक्र नीं करयां भई अहें क्या खांगे कने क्या पींगे, कने शरीरा रे खातर भई क्या पैन्हगे, क्या जिन्दगी रोटिया ते, कने शरीर कपड़यां ते बधीने निआं?

पर ताहली जे तू प्राथना करो, तां अपणे कमरे च जा; कने दरवाजा बन्द करीने अपणे पिता ने सै जे गुप्त जगह चा प्राथना कर; फेरी तेरा पिता सै जे सब किछ यनि गुप्त च कित्तिरी प्राथना जो बी देक्खां, तिज्जो तिसरा ईनाम देंगा।

“तुहें इस तरिके ने प्राथना करया करा : “ ‘हे अहांरे पिता, तू स्वर्गा च बिराजमान आ; लोक तेरा आदर करो काँह्भई तू पवित्र परमेशर आ। तू संसारा रे सारे माहणुआं कने सारियां चिज़ां पर राज करो। तेरी इच्छा तियां जे स्वर्गा च पूरी हुआं इ, तियां इ धरतिया पर बी पूरी ओ

हर रोज की रोटी तू हर रोज अहांजो दे।

कने जियां जे किन्हिये अहांरे बरोधा च पाप कित्या तिन्हांजो अहें माफ कराँ ये, तियां इ तू बी अहांरे पापां जो माफ कर।

कने अहांजो परीक्षा च नीं पा, पर शैतान्ना ते बचा; [काँह्भई राज कने सामर्थ कने महिमा सदा खातर तेरे इ हाये। आमीन।]’ ”

“इस खातर जे तुहें लोकां रे पाप माफ करगे, तां तुहांरा पिता सै जे स्वर्गा चा तुहांरयां पापां जो बी माफ करगा।

अम्बरा रे पंछियां जो देक्खा! सै न बिजाई कराँ ये, न कटाई कराँ ये, न भण्डार भराँ ये; तां बी तुहांरा स्वर्गीय पिता तिन्हांरा तिन्हांजो ख्वां। क्या तुहें तिन्हांते जादा मुल नीं रखदे?

“अपणे खातर धरतिया पर भण्डार मत भरा, काँह्भई तिस कीड़ा कने जंग लगीने खराब हुई जाणा, चोर सेन्ध मारीने तिस्सो चुराई सक्कां ये। जे तुहें खरे काम्म करगे तां सै स्वर्गा च धन कट्ठा करने साई हूणा, तित्थी नांत कीड़ा, कने न जंग खराब करी पान्दे, कने तित्थी चोर न सेंध लगान्दे कने न चोरी पान्दे। काँह्भई तित्थीजे तेरा धन आ, ऊत्थी तेरा मन बी लगीरा रैहणा।”

“कोई बी माहणु इक वगता च दुईं स्वामियां री सेवा नीं करी सकदा, काँह्भई जे कोई येढ़ा कराँ तां तिस इक्की ने नफरत करनी कने दुज्जे ने प्यार, या इक्की रे परति बफादार रैहणा कने दुज्जे रा निरादर करना। तुहें धन कने परमेशर दुईं री इक साथ सेवा नीं करी सकदे।

इस खातर ताहली जे परमेशर जंगली पौध्यां जो, सै जे आज्ज ये, कने कल अग्गी च पाई दित्ते जाणे, येढ़ि सुन्दरता देआं, तां अरे भाईयो तुहांरा विश्वास इतणा कमजोर काँह, तुहांजो सै काँह नीं पैहनांगा?”

पर ताहली जे तू गरीब माहणुये जो किछ देआं तां किसी जो बी इसा गल्ला रा पता नीं लगो भई तैं क्या दित्या। ताकि तेरा दान छुपीरा रौ, इसरा ये नतीजा हुया भई जो किछ तू छुपीने कराँ तिस्सो प्रभु अहांरा पिता बी देक्खां, तिस तिज्जो इसरा ईनाम देणा।”

“खबरदार हुई जवा! परमेशर चाँह, तिन्हां खरयां कम्मां रा लोकां रे सामणे दिखावा मता करदे नईतां तुहें अपणे पिता ते, सै जे स्वर्गा चा, तिसरा किछ बी ईनाम नीं पाई सकगे।”

“ताहली जे तुहें उपवास करो, तां तुहांरे मुँह कपटियां साई उदास नीं हुणे चाहिन्दे, काँह्भई सै अपणा मुँह बणाईने रखां ये, ताकि सै लोकां जो जतलाई सक्को भई अहें उपवास करी रायें। हऊँ तुहांजो सच्च बोलां भई सै अपणा ईनाम पाई बैट्ठे। पर ताहली जे तू उपवास रखो तां अपणे सिरा पर तेल मल़ कने मुँह धो, ताकि लोक ये नीं जाणे भई तू उपवास करीराँ, पर तेरा पिता तिस्सो जे तू देखी नीं सकदा, सै देक्खो भई तैं उपवास कित्तिरा। फेरी तेरा पिता सै जे तेरे छिपिने कित्तिरे सारयां कम्मां जो देक्खां, तिज्जो तिसरा ईनाम देंगा।”