Népszerű bibliai igeversek innen: Matius 28

Megosztás

Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas, wo tuzu'ela séra i mahwangun péléng a mémoiperénta-Ku wia ni kamu. Kata'uan nioula, ni Aku é menaté-natér ni kamu makaz ung kaakazan ung kaayahan.”

A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Taan si malaekat itii éng kimuama wia sé wéwéné itii, “Tia'mo maindé'! Kata'uangku sa ni kamu é menéro si Yesus si sinalip itii. Ni Sia én zéi'mo wia'i pahpaan ni Sia é méitoumomé sumaup ni Opo Empung tanu u mémoikua-Nala. Méyé wia'i wo ilekené u zinetaan ni Sia.

Ang kuan ni Yesus wia ni séra, “Tia'mo maindé'. Mangémo wo maikuala wia sé katuari-Ku wo séra mangé witi Galilea. Im wana ni séra é mamilek ni Aku.”

I nimakaeruzola karia né pahtutu'an, an totozen nérala i méhé zoit lakez wia sé menénéiz itii wo kimuama, “Ni kamu é léwo'zéi' makumua i sé pahtuzu'en ni Yesus é niméyéma im wengi a rumemu'ma un awak ni Yesus i ni kamu nimatekel. Wo sa niia katalingaana ni gubernur, ni sia é nuwu'an naimokan wo kamu zéi'kan maukumen.” Éndo nérama an zoit itii a mangun tanu a méikuama wia ni séra. U sirita kenu é méikaolanga wia sé tou Yahudi makaz in tarékan.