Népszerű bibliai igeversek innen: Matius 23

Megosztás

Niitumo, séi si paaz i maéndo si pahsigi'en im wia ni kamu, ni sia é léwo'zéi' i maéndo menenelewir im wia ni kamu.

Séi uman si mahraké-rakék un touna, ni sia én iroros ni Opo Empung wo séi uman si meroros un touna, ni sia én irakék ni Opo Empung.”

Ikaléwo'la ni kamu sé tou tulap un Torat wo ni kamu sé sana réwok tou Farisi, é kamu sé tou mahgau-gau lé'os. Pahpaan ni kamu é mahwéhé u sana pahpulu' wia si Opo Empung im witu u solasi, adas tombal wo jintan. Taan un totoz ipahpuu-puuna im witu un ukum Torat én zéi'kan winéhan niou genang tanu: un zéi'kan mahsanaweka, u raraatéan wo u mahtali-talinga wia si Opo Empung. Un esa é léwo'zéi' im wangunen, wo am walina ém pahwéhanla genang.

Ikaléwo'la ni kamu sé tou tulap un Torat wo ni kamu sé sana réwok tou Farisi, é kamu sé tou mahgau-gau lé'os. Pahpaan u liklikna um pengengelepan wo ung kakanan ém pahweresin niou, taan um witu un untepna én zéi'kan pahweresin wo mawuta-wuta ang kinahat wo a malo'it.

“É tou Yerusalem, é tou Yerusalem! Ni kamu sé nimunu' sé nabi wo nimahwatumé sé tou méiatu ni Opo Empung i mangé wia ni kamu. Makalakezo ni Aku lumelo i ruméwok ni kamu witu u rété-Ku, tanu si makawali-wali i ruméwok sé sisina witu un tétéwélna, taan ni kamu é soo!

Téntu kangkasii ni kamu, pahileken né tou ni kamu é mahwangun an ulit, taan im witu un até, ni kamu é mawuta-wuta an zéi'kan ulit wo a léwo'an.