Népszerű bibliai igeversek innen: Matius 21

Megosztás

Apa uman am pahaléien niou witu um pengaléien karia in uli-ulit ma'éman, niitu é makailekan niou.”

A mingkotla si Yesus wia ni séra, “Uli-ulit ikua-Kuma wia ni kamu, sa kamu ma'éman wo zéi'kan mahzua-zua genang, ni kamu én zéi'kan uman toro mangun tanu um winangun-Kuma witu ung kai ara itii, taan ni kamu kangkasii én toro kumuama witu ung kentur kenu, ‘Mawutwuta wo ikalombo'ma witi tasik!’ niitu é mamuali.

Sé tou lakez mahlampang mahpuuna wo sé mahmurimé wia si Yesus é mahkérét, “Hosana wia si suzu ni Daud! Loozela Sia si niméyé karia u ngaran ni Opo Empung! Hosana witi tampa totoz rakék!”

Ang kuan-Na wia ni séra, “Witu um Pinantik Lenas é méipantik in téntii, ‘Um Walé-Ku é mapahkuan walé pahpengaléian.’ Taan winangun niouola wuwunian né maremu'!”

“Ikuamola wia sé tou witi Sion: Ilekena, si Kolano niou é mahéyémo wia ni kamu. Ni Sia én eluz uman wo simaké wia si keledai, si anak ni keledai peranggangpé'.”

Kuan ni Yesus wia ni séra, “Zéi'kampé' pinahbaca-baca nioula wé u méipantik witu um Pinantik Lenas, ‘Um watu méitia' né memamangun am walé é nimaéndomola watu to'tolan. Si Opo Empung si nimangun niitu wo ni kita sé nimilek um winangun-Na itii é mengusi-ngusingsing.’

Niitumo, ikua-Kuma wia ni kamu, péléng an tinotozo in iwéhé wia ni kamu im witi Kakolanoan ni Opo Empung ém pakaéndon im wia ni kamu wo maiwéhé sé tahsasana wanua walina sé makumiit am perénta-Na. [