Népszerű bibliai igeversek innen: SALMO 37

Megosztás

Payta tukuy shunku kuyashpa kawsay. Chashna payta kuyaptiki alli munanaykita almitishunki.

Tata Diosta kuyashpa payta willay munananta ruranayanaykita. Chashna payta willaptiki yanapashunki.

Allita rurashpa mana turbakushpa Tata Dios yanapashunanta shuyay. Suk runakuna tukuy imayuk kaptinkuna ama llakishpa rabyakuychu. Mana allita yuyaykuptinkuna ama rabyakuychu.

Tata Dios yanapashunaykita yachashpa allita rurashpalla kawsay. Kay allpapi kawsashpaykira Tata Diosllata allita kasushpa kawsay.

Tata Dios tukuy runakunata yachachiwanchisapa. Yanapawanchisapa paypa munananta rurananchikunapa. Mana allita ruraptinchikuna Tata Dios makinchikunamanta apiwakninchishina yanapawanchisapa ama uchallikushpa kawsananchikunapa.

Tata Dios yanapashuptiki tukuy runakuna alli ruranaykita lustashina kawankasapa. Alli ruranaykita ruraptiki inti llipyanantashina kawankasapa paykunapish yachanankunapa allita rurashpa kawsayta.

Ama rabyakushpa piñakuychu. Ama munaychu turbakushpa mana allita rurayta.

Wayna kashkaynimanta ñami viejuyashkanina. Manami kawashkanichu Tata Dios alli rurak runakunata sakiptin. Paykunapa wambrankunapish mana nimata mañakushpachu kawsansapa.

Runakuna mana allita ruraptinkunapish ama turbakuychu. Chay mana alli rurak runakunata kawashpa ama paykunashina kawsanayaychu.