Népszerű bibliai igeversek innen: Mathew 6

Megosztás

Rhowch eich bryd a’ch serch ar ei Deyrnasiad ef ac ar ei gyfiawnder yn gyntaf; fe ddaw’r pethau hyn yn ychwanegol i chi.

Peidiwch â phryderu am yfory; fe ofala yfory amdano’i hun. Digon i’r dydd ei drafferthion ei hun.”

“Dyna pam rydw i’n dweud wrthych chi am beidio â phryderu beth wnewch chi ei fwyta neu’i yfed, neu beth a wisgwch amdanoch. Onid yw’ch bywyd chi’n bwysicach na’r bwyd, a’r corff yn bwysicach na’r dillad?

Ond pan fyddi di’n gweddïo, dos i’th ystafell ar dy ben dy hun, ac wedi cau’r drws, gweddïa ar dy Dad sydd o’r golwg; ac fe gei di dy wobr gan dy Dad sy’n gweld beth a wneir o’r golwg.

Fel hyn, felly, y dylech chi weddïo: ‘Ein Tad nefol, Gad i’th enw gael ei barchu; Gad i’th Deyrnasiad ddod, Gwneler yr hyn a fynni di, ar y ddaear fel yn y Nefoedd.

Rho inni heddiw ein bara yn ôl ein hangen

Maddau inni y drwg a wnaethom, Fel rydym ninnau wedi maddau i eraill y drwg a wnaethon nhw i ni.

Paid â’n dwyn ni i’r prawf, ond cadw ni rhag yr un drwg.’

Oherwydd os maddeuwch chi i eraill y drwg a wnaethon nhw, fe faddeua’ch Tad nefol hefyd i chi.

Edrychwch ar adar yr awyr; ’dydyn nhw ddim yn hau nac yn medi, nac yn casglu i ysguboriau, ac eto mae’ch Tad nefol yn eu bwydo nhw. Ydych chi ddim yn fwy gwerthfawr yn ei olwg ef na nhw?

“Peidiwch â phentyrru trysorau i chi’ch hunain yn y byd hwn lle mae gwyfyn a rhwd yn eu bwyta nhw a lladron yn torri i mewn i’w lladrata nhw. Pentyrrwch drysor i chi’ch hunain yn y nefoedd, lle nad oes gwyfyn a rhwd i’w ddifetha na lladron i dorri i mewn a’i ddwyn. Oherwydd lle mae eich trysor, yno y bydd eich calon hefyd.

“Ni all neb fod yn deyrngar i ddau feistr. Rhaid iddo naill ai gasáu un a charu’r llall, neu fod yn deyrngar i un ac yn ddirmygus o’r llall. Ni ellwch fod yn deyrngar i Dduw a golud.”

Wel ynteu, os yw Duw’n dilladu porfa’r maes, sy’n fyw heddiw ac yn cael ei daflu i’r ffwrn yfory, onid yw ef yn debycach o lawer o ofalu am ddillad i chi — chi sydd mor wan eich ffydd?

Na; pan fyddi di’n gwneud tro da, paid â gadael i’th law chwith wybod beth y mae dy law dde’n ei wneud er mwyn cadw’r tro da o’r golwg; fe gei di dy wobr gan dy Dad sy’n gweld beth a wneir o’r golwg.

Gofelwch beidio â gwneud sioe gyhoeddus o’ch crefydd er mwyn cael sylw gan ddynion: os gwnewch chi, fe gollwch wobr eich Tad nefol.

“Pan fyddwch chi’n ymprydio, peidiwch ag edrych yn drist fel y rhagrithwyr. Maen nhw’n tynnu wynebau hirion er mwyn i bobl weld eu bod nhw’n ymprydio. Credwch fi: maen nhw wedi cael eu gwobr eisoes. Na, pan fyddi di’n ymprydio, eneinia dy ben a golch dy wyneb, rhag i neb wybod dy fod yn ymprydio ond dy Dad sydd o’r golwg. Fe gei dy wobr gan dy Dad sy’n gweld beth sy’n digwydd o’r golwg.”