Népszerű bibliai igeversek innen: AR MARKO 8

Megosztás

Ngetho nöꞌö togo ne da japi da kꞌontꞌa ár te, ma da ꞌbe̱di. Ha nöꞌö togo e̱ntꞌi da unga ár te da de̱ngagi ne da mönga ar hoga mhö, ma da dinga ar te hiñhamꞌu̱ da götsꞌi.

Ngetho tema ñho da gu̱kwa nꞌar jöꞌi, da dö gatho nöꞌö te jawa har ximha̱i ne da ꞌbe̱ ár pa.

Bi zohna ya jöꞌi ne yá ma̱xte, bi ꞌñembabi: —Nöꞌö togo ne da de̱ngagi, mahyoni da pumhnise̱ ár te, ne da ñꞌe̱ntꞌatho ga ñꞌoꞌbe.

Tema tsa̱ da unga nꞌar jöꞌi da da̱nga ár pa. Ngetho nöꞌö togo da ntsa̱ da da̱tka majöni ha yá nthandi nuya tsꞌojöꞌi ꞌbu̱ nuya payu̱, ne da ntsa̱ da mömga ma mhö, Nöꞌö Togo ba e bi Njöꞌi ma da ntsa̱ nꞌehe xta ehe di hömpa ár nsunda ár Dada, ne di ñꞌowi ya hoga e̱nxe̱.

Nuꞌmú̱ nöꞌö bi ꞌñembabi: —Xiꞌahu̱, togo gi eñhu̱ go gekaga. Bi dö ar Pedro ne bi ꞌñenö: —Nuꞌge go gar Kristo xi ꞌñexꞌa Jö.